ᱦᱟᱦᱟᱲᱟᱜ : ᱱᱚᱨᱮᱱᱫᱨᱚ ᱱᱟᱛᱷ ᱦᱟᱸᱥᱫᱟ

ᱦᱟᱦᱟᱲᱟᱜ, ᱟᱹᱰᱤ ᱦᱟᱦᱟᱲᱟᱜ ᱱᱚᱣᱟ ᱫᱷᱟ.ᱨᱛᱤ!
ᱚᱱᱟ ᱠᱷᱚᱱᱦᱚ ᱦᱟᱦᱟᱲᱟᱜ ᱢᱟ.ᱱᱢᱤᱭᱟᱜ ᱵᱟᱨ ᱛᱤ!
ᱦᱟᱦᱟᱲᱟᱜ ᱱᱚᱣᱟ ᱢᱟᱹᱱᱢᱤ ᱥᱤᱨᱡᱚᱱ ᱯᱩᱨᱤ!
ᱢᱟ.ᱱᱢᱤ ᱛᱮᱭᱟᱨ ᱦᱟᱦᱟᱲᱟᱜ ᱟ.ᱱ ᱟ.ᱨᱤ!
ᱦᱟᱦᱟᱲᱟᱜ, ᱟᱹᱰᱤ ᱦᱟᱦᱟᱲᱟᱜ ᱱᱚᱣᱟ ᱢᱟ.ᱱᱢᱤ ᱟ.ᱨᱤ!
ᱢᱤᱫ ᱦᱚᱲᱟᱜ ᱦᱟ.ᱴᱤᱧ ᱟᱨᱢᱤᱫ ᱦᱚᱲᱮ ᱡᱚᱢ,
ᱨᱮᱸᱜᱮᱡ ᱟᱠᱟᱫᱮ ᱦᱚᱲ ᱫᱚ ᱵᱟᱱᱩᱜ ᱛᱟᱭᱟ ᱫᱚᱢ!
ᱫᱚᱢ ᱜᱮᱭ ᱵᱚᱛᱚᱨᱚᱜ ᱞᱮᱝᱲᱚᱡ ᱢᱟᱹᱱᱢᱤ,
ᱫᱚᱢ ᱜᱮᱭ ᱵᱮᱱᱟᱣ ᱢᱮ ᱢᱟ.ᱱᱢᱤ ᱠᱷᱚᱱ ᱫᱟᱹᱱᱢᱤ᱾
ᱦᱟᱦᱟᱲᱟᱜ, ᱟᱹᱰᱤ ᱦᱟᱦᱟᱲᱟᱜ ᱱᱚᱣᱟ ᱢᱚᱧᱪᱚᱯᱩᱨᱤ᱾
ᱢᱟ.ᱱᱢᱤ ᱛᱟᱞᱟᱨᱮ ᱨᱟᱡ‌ᱽ ᱟ.ᱨᱤ ᱟᱨ ᱥᱤᱸᱭᱟ.ᱡᱟ.ᱨᱤ᱿
ᱢᱟ.ᱱᱢᱤ ᱛᱤ ᱛᱮ ᱵᱮᱱᱟᱣ ᱢᱟ.ᱱᱢᱤ ᱵᱟᱡᱟᱜ ᱡᱚᱱᱛᱚᱨ,
ᱢᱟ.ᱱᱢᱤᱭᱟᱜ ᱜᱮ ᱢᱟ.ᱱᱢᱤ ᱜᱩᱡᱩᱜ ᱢᱟᱱᱛᱟᱨ!
ᱦᱟᱦᱟᱲᱟᱜ, ᱟ.ᱰᱤ ᱦᱟᱦᱟᱲᱟᱜ, ᱫᱤᱥᱚᱢ ᱯᱟᱞᱚᱴᱮᱱ,
ᱢᱟ.ᱱᱢᱤ ᱛᱟᱞᱟᱨᱮ ᱱᱟᱯᱟᱭ ᱥᱟᱜᱟ.ᱭ ᱵᱚᱫᱚᱞᱮᱱ᱾
ᱵᱤᱨ ᱡᱤᱭᱟ.ᱞᱤ ᱪᱮᱬᱮ ᱪᱩᱯᱲᱤ ᱠᱷᱟᱱᱪᱟ ᱠᱷᱚᱱ ᱠᱚ ᱵᱟᱦᱮᱨᱮᱱ,
ᱫᱤᱥᱚᱢ ᱨᱮᱱ ᱢᱟ.ᱱᱢᱤ ᱡᱷᱚᱛᱚ ᱠᱚ ᱚᱲᱟᱜ ᱛᱟᱞᱟᱭᱮᱱ!