আযোদিয়া বুরু জুলুঃ কানা হো : বাপ্পাদিত‍্য বেসরা

অনে ঞেলঃ কান ঞালাঃ ঞালাঃ
হারয়াড় সাকাম চেতান পুঁড ধুঁওয়া
সেঙেলতে ল তরজঃ কান
দারে সাঁও দারে
বুকা তপল নাড়ি
অনাগে আমাঃ জাত গরব
আযোদিয়া বুরু।
জুলুঃ কানা হো আতারঃ কানা
বিরহড় সানতাড় মুডা কওয়াঃ
সাড়িম জাপাঃ জাপাঃতে
বির আতার সেঙেল,
সাধের হেরেলঃ আযোদিয়া চেতান।

সেটেরআম জানিচ হাঁঃ
এন হিলোঃ
কচা খনাঃ হাতিয়ার হাতড়াও ওডোক কাতে
মেড়হেৎ সাকম
মাতকম লাঠে
পটম দাকা
ঘেঁট কাতে,
গুলাট চাঁদওয়াঃ
তেরদেজরে
মিদির গডারে জাপিৎ আঁগা কাতে
দিহরি বাবাওয়াঃ হরাতে সেঁদরা
গরবআম খেরওয়াল শিকারিয়া।
তিরয়ো বানাম
সেরেঞ বাঁখেড়তে
“সুপ্রিমকোর্ট “এম
আঁদোড়া অনাকো বেড়া দ।
সিতা ডাডি গলবুরু
আডিম উরুমা উনদ,
সেরমা ভোর অকালেকা মেনাআ?
সেঁদরাম জিয়ালি,চাম্পাবাহা এমান
চেৎ হালততে জিওয়িকো বিতাও এদা বিররে
তলাস আকাদাম মিৎ ধাও?
গরবাম!
নওয়াকো দ ইঞাঃ
আলেয়াঃ
আবোওয়াঃ।
কয়গমে অনা বুরু জুলুঃ কানা
দঁগয় দঁগয়।

Rating: 1 out of 5.