ᱮᱦᱳ ᱡᱩᱣᱟᱹᱱ

ᱼᱼ ᱵᱤᱡᱚᱭ ᱢᱩᱨᱢᱩ

ᱮᱦᱳ ᱡᱩᱣᱟᱹᱱ,
ᱟᱢ ᱴᱷᱮᱱᱜᱮ ᱳᱠᱳ ᱢᱮᱱᱟᱜ ᱨᱮᱦᱮᱫ
ᱥᱟᱶᱛᱟ ᱩᱛᱱᱟᱹᱣ ᱨᱮᱱᱟᱜ।
ᱮᱦᱳ ᱡᱩᱣᱟᱹᱱ,
ᱟᱢᱜᱮ ᱠᱟᱱᱟᱢ ᱟᱢᱟᱜ ᱟᱜᱟᱢᱨᱮᱱ
ᱥᱚᱨᱮᱥ ᱩᱛᱟᱹᱨ ᱞᱟᱹᱣᱲᱤᱭᱟᱹ।
ᱮᱦᱳ ᱡᱩᱣᱟᱹᱱ,
ᱟᱢᱟᱜ ᱠᱟᱹᱢᱤ ᱛᱮᱜᱮ ᱥᱚᱫᱚᱨᱚᱜᱼᱟ
ᱟᱢᱟᱜ ᱥᱟᱶᱛᱟ ᱨᱮᱱᱟᱜ ᱵᱳᱜᱮ ᱵᱟᱹᱲᱤᱡ।
ᱮᱦᱳ ᱡᱩᱣᱟᱹᱱ,
ᱟᱢᱟᱜ ᱵᱮᱸᱜᱮᱫ ᱢᱟᱨᱥᱟᱞ ᱛᱮᱜᱮ
ᱟᱨᱥᱟᱞᱳᱜᱼᱟ ᱟᱢᱟᱜ ᱥᱳᱢᱟᱡᱽ ᱟᱹᱨᱥᱤ।
ᱮᱦᱳ ᱡᱩᱣᱟᱹᱱ,
ᱟᱢᱟᱜ ᱛᱟᱲᱟᱜ ᱫᱟᱦᱟᱨ ᱛᱮᱜᱮ
ᱞᱟᱦᱟ ᱤᱫᱤᱭᱟᱭ ᱟᱢᱟᱜ ᱥᱟᱶᱛᱟ।
ᱢᱮᱱᱠᱷᱟᱱ ᱡᱩᱣᱟᱹᱱ,
ᱟᱢ ᱢᱟᱢ ᱧᱮᱞᱚᱜ ᱠᱟᱱ
ᱡᱟᱹᱯᱤᱫ ᱟᱠᱟᱫ ᱞᱮᱠᱟ!
ᱮᱦᱳ ᱡᱩᱣᱟᱹᱱ,
ᱛᱤᱥ ᱟᱢ ᱫᱚᱢ ᱳᱨᱳᱢ
ᱟᱢᱟᱜ ᱟᱯᱱᱟᱨ ᱳᱯᱨᱳᱢ
ᱦᱟᱭᱨᱮᱹ ᱡᱩᱣᱟᱹᱱ
ᱛᱤᱥᱮᱢ ᱯᱷᱳᱴᱮᱞ ᱛᱟᱢᱟ
ᱪᱷᱟᱸᱫᱟ ᱟᱠᱟᱱ ᱡᱟᱹᱯᱤᱫ ᱢᱮᱫ
ᱮᱦᱳ ᱡᱩᱣᱟᱹᱱ,
ᱪᱤᱠᱟᱹᱛᱮᱢ ᱟᱸᱫᱷᱟᱜ ᱠᱟᱱᱟ
ᱳᱞᱳᱜ ᱟᱹᱠᱤᱞ ᱠᱟᱴᱮ ᱨᱮᱷᱚᱸ
ᱮᱦᱳ ᱡᱩᱣᱟᱹᱱ,
ᱛᱤᱥᱮᱢ ᱛᱟᱲᱟᱢᱟ ᱟᱢᱨᱮᱱ
ᱦᱟᱯᱲᱟᱢ ᱠᱚᱣᱟᱜ ᱩᱫᱩᱜ ᱦᱚᱨᱛᱮ?
ᱮᱦᱳ ᱡᱩᱣᱟᱹᱱ,
ᱛᱤᱥᱮᱢ ᱜᱚ~ᱜᱟ ᱵᱷᱟᱹᱨᱭᱟᱹ
ᱟᱢᱟᱜ ᱡᱟᱱᱟᱢ ᱥᱟᱶᱛᱟ ᱦᱟᱨᱟᱵᱩᱨᱩ ᱨᱮᱱᱟᱜ?

Subscribe to Blog via Email

Enter your email address to subscribe to this blog and receive notifications of new posts by email.