ᱤᱧ ᱫᱚ ᱠᱳᱨᱳᱱᱟ
ᱱᱚᱨᱮᱱᱫᱨᱚ ᱱᱟᱛᱷ ᱦᱟᱸᱥᱫᱟ
ᱤᱧᱫᱚ ᱠᱳᱨᱳᱱᱟ,
ᱤᱧ ᱠᱷᱟᱹᱛᱤᱨ ᱛᱮ ᱦᱚᱲ ᱠᱚ ᱳᱠᱳᱱᱟ,
ᱵᱟᱦᱮᱨ ᱵᱟᱝ ᱳᱰᱳᱠ ᱠᱟᱛᱮ ᱚᱲᱟᱜ ᱨᱮᱜᱮᱠᱳ ᱛᱟᱦᱮᱸᱱᱟ᱾
ᱤᱧ ᱫᱚ ᱠᱳᱨᱳᱱᱟ,
ᱤᱧ ᱫᱚ ᱪᱟᱭᱱᱟ ᱫᱤᱥᱚᱢ ᱠᱷᱚᱱᱤᱧ ᱳᱯᱷᱮᱹᱞᱟᱠᱟᱱᱟ,
ᱤᱛᱟᱞᱤ, ᱥᱯᱮᱱ, ᱟᱢᱮᱨᱤᱠᱟ ᱞᱮᱠᱟᱛᱮ
ᱫᱟᱬᱟ ᱫᱟᱬᱟᱛᱮ ᱥᱤᱧ ᱚᱛ ᱫᱤᱥᱚᱢ ᱛᱤᱧ ᱥᱮᱴᱮᱨ ᱟᱠᱟᱱᱟ᱾
ᱤᱧ ᱫᱚ ᱠᱳᱨᱳᱱᱟ,
ᱤᱧ ᱫᱚ ᱦᱚᱲᱼᱤᱧ ᱥᱟᱢᱴᱟᱣ ᱠᱳᱣᱟ,
ᱵᱟᱝ ᱥᱟᱢᱴᱟᱜ ᱦᱚᱲᱫᱩᱧ ᱜᱚᱡ ᱪᱟᱵᱟ ᱠᱚᱣᱟ᱾
ᱚᱱᱟᱛᱮ ᱤᱛᱟᱞᱤ, ᱥᱯᱮᱱ, ᱟᱢᱮᱨᱤᱠᱟ ᱨᱮ
ᱵᱟᱦᱮᱨ ᱨᱮ ᱦᱚᱲ ᱜᱮ ᱵᱟᱹᱱᱩᱜ ᱠᱳᱣᱟ᱾
ᱤᱧ ᱫᱚ ᱠᱳᱨᱳᱱᱟ,
ᱟᱯᱮ ᱦᱚᱸ ᱤᱧ ᱠᱷᱚᱱ ᱥᱚᱱᱛᱚᱨ ᱨᱮ ᱛᱟᱦᱮᱸᱱᱯᱮ,
ᱚᱲᱟᱜ ᱨᱮ ᱛᱟᱦᱮᱸᱱᱯᱮ, ᱱᱟᱯᱟᱭ ᱛᱟᱦᱮᱱᱯᱮ,
ᱵᱟᱧᱪᱟᱣᱜᱤᱧ ᱫᱚᱦᱚ ᱦᱚᱴᱚᱠᱟᱯᱮ᱾
ᱤᱧ ᱫᱚ ᱠᱳᱨᱳᱱᱟ,
ᱪᱟᱞᱟᱜ ᱦᱚᱨ ᱨᱮ ᱟᱞᱚᱯᱮ ᱡᱟᱸᱜᱮ ᱫᱟᱨᱟᱢᱤᱧ
ᱟᱯᱱᱟᱨ ᱚᱲᱟᱜ ᱨᱮ ᱛᱟᱦᱮᱸᱱ ᱯᱮ ᱥᱤᱸᱜᱮ-ᱥᱤᱧ,
ᱴᱷᱟᱱ-ᱢᱟᱱ ᱛᱟᱦᱮᱸᱱ ᱨᱮ ᱤᱧ ᱫᱚ ᱵᱟᱱᱩᱜᱤᱧ᱾
ᱤᱧ ᱫᱚ ᱠᱳᱨᱳᱱᱟ,
ᱤᱧ ᱫᱩᱧ ᱨᱩᱣᱟ.ᱲᱟ ᱪᱟᱭᱱᱟ, ᱥᱮᱭᱟ ᱥᱤᱬᱤᱡ ᱢᱮᱱᱟᱜ ᱡᱟᱦᱟᱱ,
ᱡᱟᱱᱟᱢ ᱤᱧᱟ.ᱜ ᱚᱱᱮ ᱚᱠᱟᱨᱮ, ᱩᱦᱟᱱ᱿