ᱞᱚᱜ ᱠᱟᱱᱟ ᱚᱱᱛᱚᱨ ᱡᱤᱣᱤ

ᱜᱩᱞᱚᱱ ᱪᱚᱱᱫᱨᱚ ᱢᱩᱨᱢᱩ

ᱥᱤᱨᱡᱚᱱᱤᱭᱟᱹᱭ ᱥᱤᱨᱤᱡᱽ ᱞᱮᱫᱼᱟ ᱞᱮᱻᱞᱮᱸᱜᱮᱡ ᱢᱚᱧᱪᱚᱯᱩᱨᱤ
ᱥᱩᱯᱩᱞᱩᱠᱨᱮ ᱛᱟᱸᱦᱮᱱᱯᱮ ᱪᱮᱬᱮ ᱪᱤᱯᱨᱩᱫ ᱡᱤᱵᱽᱡᱤᱭᱟᱹᱞᱤ᱿
ᱢᱟᱱᱣᱟ ᱢᱟᱵᱳᱱ ᱥᱟᱸᱜᱮᱭᱮᱱᱟ ᱵᱩᱨᱩᱫ ᱵᱩᱨᱩᱫ ᱫᱷᱟᱹᱨᱛᱤᱨᱮ
ᱦᱤᱸᱥᱟᱹ ᱥᱩᱭᱟᱹ ᱞᱟᱞᱚᱪ ᱜᱮᱛᱚ ᱯᱮᱨᱮᱡ ᱮᱱᱟ ᱢᱚᱱᱮᱨᱮ᱿
ᱡᱩᱣᱟᱹᱱ ᱨᱮᱭᱟᱜ ᱴᱟᱴᱣᱟᱥᱛᱮ ᱛᱤᱨᱞᱟᱹ ᱢᱟᱠᱳ ᱥᱤᱵᱳᱲᱚᱜᱠᱟᱱ
ᱥᱤᱥᱩ ᱩᱢᱮᱹᱨ ᱢᱟᱹᱭᱠᱳᱦᱚᱸ ᱛᱚ ᱵᱟᱝᱠᱳ ᱵᱟᱫᱚᱜᱠᱟᱱ᱿
ᱥᱚᱛ ᱥᱟᱹᱨᱤ ᱪᱟᱵᱟᱜ ᱠᱟᱱᱟ, ᱫᱷᱚᱨᱚᱢ ᱰᱟᱦᱟᱨ ᱢᱟᱞᱚᱴ ᱟᱠᱟᱱ
ᱚᱱᱟᱛᱮᱜᱮ ᱫᱤᱥᱳᱢᱨᱮ ᱯᱟᱹᱯᱤ ᱦᱚᱲᱵᱳᱱ ᱵᱟᱹᱲᱛᱤᱭᱟᱠᱟᱱ᱿
ᱩᱠᱤᱞ ᱢᱟᱠᱳ ᱪᱩᱵᱟᱹᱜ ᱟᱠᱟᱱ ᱴᱟᱠᱟ ᱯᱚᱭᱥᱟ ᱞᱟᱞᱚᱪᱛᱮ,
ᱟᱹᱭᱤᱱ ᱠᱳᱦᱚᱸ ᱛᱚ ᱵᱷᱟᱺᱫᱩᱲᱚᱜ ᱠᱟᱱ ᱨᱟᱡᱽᱟᱹᱨᱤ ᱠᱟᱛᱷᱟᱛᱮ᱿
ᱚᱞᱚᱜ ᱟᱹᱠᱤᱞ ᱠᱟᱛᱮ ᱨᱮᱦᱚᱸ ᱪᱮᱫᱟᱜᱪᱚᱝ ᱵᱳᱱ ᱠᱟᱬᱟᱜ ᱠᱟᱱ,
ᱥᱟᱶᱛᱟ ᱥᱚᱢᱟᱡᱽ ᱫᱮᱭᱟ ᱠᱟᱛᱮ ᱫᱤᱠᱩ ᱥᱟᱞᱟᱜ ᱵᱳᱱ ᱵᱟᱯᱞᱟᱜ ᱠᱟᱱ᱿
ᱡᱟᱹᱛᱤ ᱡᱟᱹᱛᱤ ᱵᱳᱱ ᱵᱷᱮᱜᱟᱨᱚᱜ ᱠᱟᱱ ᱫᱷᱚᱨᱚᱢ ᱨᱮᱭᱟᱜ ᱨᱟᱯᱟᱪᱟᱜᱛᱮ
ᱯᱟᱹᱨᱤᱥ ᱯᱟᱹᱨᱤᱥᱵᱳᱱ ᱫᱚᱯᱚᱦᱚᱜᱠᱟᱱ ᱫᱩᱞᱟᱹᱲ ᱨᱮᱭᱟᱜ ᱠᱟᱬᱟ ᱪᱚᱥᱢᱟ ᱦᱚᱨᱚᱜᱛᱮ
ᱵᱤᱨ ᱵᱩᱨᱩ ᱡᱩᱸᱰᱤᱜ ᱠᱟᱱᱟ ᱠᱳᱢᱯᱟᱱᱤ ᱥᱮᱸᱜᱮᱞᱛᱮ,
ᱡᱤᱭᱟᱹᱞᱤᱠᱳ ᱨᱚᱸᱜᱚᱜ ᱠᱟᱱᱟ ᱢᱚᱜᱚᱫ ᱢᱚᱜᱚᱫ ᱟᱸᱜᱽᱨᱟᱛᱮ᱿
ᱚᱱᱟᱛᱮᱜᱮ ᱯᱟᱞᱮ,
ᱵᱤᱨ ᱵᱩᱨᱩ ᱞᱚᱜ ᱞᱮᱠᱟ ”ᱠᱚᱨᱳᱱᱟ” ᱢᱟ ᱫᱷᱚᱨᱟᱣᱮᱱ
ᱨᱚᱦᱚᱲ ᱥᱟᱠᱟᱢ ᱡᱩᱸᱰᱤᱜ ᱞᱮᱠᱟ ᱜᱚᱴᱟ ᱫᱤᱥᱳᱢ ᱩᱪᱟᱹᱲᱮᱱ᱿
ᱫᱷᱟᱹᱨᱛᱤ ᱯᱟᱪᱮᱫ ᱟᱹᱨᱩᱜᱠᱟᱱ ᱫᱤᱥᱚᱢ ᱯᱟᱪᱮᱫ ᱞᱟᱺᱫᱩᱲᱚᱜᱠᱟᱱ
ᱞᱚᱜᱠᱟᱱ ᱫᱚ ᱚᱱᱛᱚᱨ ᱡᱤᱣᱤ; ᱚᱠᱚᱭ ᱫᱩᱧ ᱞᱟᱹᱭᱼᱟᱭ ᱚᱠᱚᱭ ᱫᱚ ᱵᱟᱝ᱿