ᱡᱷᱚᱢᱚᱨ ᱡᱟ.ᱲᱤ ᱢᱚᱧᱪᱚᱯᱩᱨᱤ

– ᱜᱩᱞᱚᱱ ᱪᱚᱱᱫᱨᱚ ᱢᱩᱨᱢᱩ

ᱟᱥᱟᱲ, ᱥᱟᱱ, ᱡᱟ.ᱯᱩᱫ ᱫᱤᱱ, ᱡᱷᱚᱢᱚᱨ ᱡᱷᱚᱢᱚᱨ ᱫᱟᱜᱼᱮ ᱡᱟ.ᱲᱤ
ᱱᱟᱣᱟ ᱱᱟᱣᱟ ᱪᱟᱛᱚᱢ ᱵᱟᱝᱠᱷᱟᱱ ᱜᱩᱛᱤ, ᱢᱟᱦᱨᱟᱠᱳ ᱠᱳ ᱟ.ᱲᱤ।
ᱥᱮᱨᱢᱟ ᱨᱮᱢᱟ ᱵᱤᱡᱽᱞᱤ ᱛᱚᱨᱟ ᱦᱩᱫᱩᱲ ᱦᱩᱫᱩᱲ ᱨᱤᱢᱤᱞ ᱥᱟᱰᱮᱜ,      ᱦᱟᱫᱟᱨ ᱦᱟᱫᱟᱨ ᱦᱚᱭ ᱛᱮᱜᱮ ᱥᱟᱱᱟᱢ ᱫᱟᱨᱮ ᱞᱟᱰᱮᱜ ।।
ᱴᱟᱺᱰᱤ ᱴᱤᱠᱩᱨ ᱢᱮᱨᱚᱢ ᱵᱷᱤᱰᱤ, ᱥᱟᱱᱟᱢ ᱜᱮᱠᱳ ᱧᱤᱨ ᱦᱤᱡᱩᱜ,             ᱦᱟᱨᱮ ᱯᱷᱟᱨᱮ ᱫᱷᱟᱶᱲᱟ ᱫᱷᱟ.ᱶᱲᱤ ᱚᱲᱟᱜ ᱜᱮᱠᱳ ᱫᱟ.ᱲ ᱠᱷᱟᱺᱡᱩᱜ।।         ᱵᱩᱨᱩ ᱞᱚᱫᱟᱢ ᱢᱟᱨᱟᱜ ᱨᱟᱜᱛᱮ ᱢᱚᱱᱮ ᱡᱤᱣᱤ ᱦᱩᱞᱟ.ᱥ ᱜᱚᱫᱚᱜ,
ᱪᱮᱬᱮ ᱪᱤᱯᱨᱩᱫ ᱚᱲᱟᱜ ᱵᱟᱝᱛᱮ, ᱫᱟᱭᱟᱜᱮᱠᱳ ᱞᱚᱦᱚᱫ ᱜᱚᱫᱚᱜ।।
ᱩᱞᱟ.ᱴ ᱠᱟᱪᱷᱟᱲ ᱢᱚᱧᱪᱚᱯᱩᱨᱤ ᱟ.ᱭᱠᱟ.ᱣ ᱜᱚᱫᱚᱜ ᱢᱤᱫ ᱜᱷᱟ.ᱲᱤᱡ
ᱪᱟᱛᱚᱢ, ᱜᱷᱩᱸᱜᱩ, ᱥᱟᱶ ᱥᱟᱶᱛᱮ ᱟᱥᱮᱱ ᱦᱳᱭᱳᱜ ᱥᱟᱨᱟᱜᱷᱟ.ᱲᱤᱡ।।
ᱫᱷᱟ.ᱨᱛᱤᱯᱩᱨᱤ ᱥᱤᱨᱤᱡ ᱞᱮᱠᱟ, ᱥᱟᱱᱟᱢ ᱟ.ᱨᱩᱵ ᱯᱷᱟᱨᱪᱟ ᱜᱚᱫᱚᱜ,
ᱵᱟ.ᱫᱽ ᱵᱟ.ᱭᱦᱟ.ᱲ ᱪᱮᱦᱮᱞ ᱪᱮᱯᱮᱞ, ᱜᱟᱰᱟ ᱢᱩᱰᱩ ᱜᱟᱨᱡᱟᱣ ᱜᱚᱫᱚᱜ।।
ᱯᱩᱸᱴᱷᱤ, ᱰᱟᱺᱲᱠᱟ. ᱨᱟ.ᱥᱠᱟ. ᱥᱟᱨᱮᱲ ᱱᱟᱣᱟ ᱫᱟᱜᱨᱮ ᱪᱤᱞᱵᱤᱞ,
ᱜᱟᱢᱪᱷᱟ ᱯᱟᱴᱷᱮ ᱠᱤᱸᱥᱟ.ᱬ ᱠᱟ.ᱢᱤ, ᱜᱟᱛᱮ ᱥᱟᱶᱨᱮ ᱦᱤᱞ ᱦᱤᱞ।।
ᱵᱤᱨ ᱵᱩᱨᱩ, ᱴᱟ.ᱱᱰᱤ ᱴᱤᱠᱩᱨ ᱦᱟ.ᱨᱤᱭᱟ.ᱲ ᱜᱮ ᱥᱟᱜᱮᱱᱮᱱ,
ᱪᱟᱥᱟ ᱢᱟ.ᱱᱢᱤ ᱥᱨᱤᱡᱚᱱ ᱠᱟ.ᱢᱤ ᱵᱟ.ᱫᱽ ᱵᱟ.ᱭᱦᱟ.ᱲ ᱛᱳᱸᱜᱮᱭᱮᱱ।।
ᱤᱛᱟ., ᱪᱟᱨᱟ, ᱵᱟᱞᱮ ᱯᱳᱦᱟ ᱵᱟ.ᱭ ᱵᱟ.ᱭᱛᱮ ᱵᱮᱸᱜᱮᱫ ᱮᱱ,
ᱩᱫ, ᱯᱩᱴᱠᱟ. ᱥᱟᱨᱡᱚᱢ ᱵᱤᱨ ᱨᱮ ᱱᱟᱣᱟ ᱱᱟᱣᱟ ᱚᱢᱚᱱᱮᱱ।।
ᱟᱲᱮ ᱞᱟᱜ ᱥᱤᱭᱳᱜ ᱨᱚᱦᱚᱭ ᱟ.ᱭᱩᱵ ᱵᱟᱝᱠᱷᱟᱱ ᱵᱟ.ᱱᱩᱜ ᱡᱤᱨᱟ.ᱣ,
ᱦᱟᱦᱟᱲᱟᱜ ᱜᱮ ᱥᱤᱨᱡᱚᱱᱤᱭᱟ. ᱢᱚᱧᱪᱚᱯᱩᱨᱤ ᱟ.ᱨᱩᱯᱷᱮᱨᱟᱣ।।