ᱥᱟᱶᱦᱮᱫ ᱟᱡᱟᱨ :- ᱮᱢ ᱱᱮᱹᱯᱳᱞᱤᱭᱟᱱ ᱴᱩᱰᱩ

ᱥᱟᱱᱛᱟᱲᱤ ᱥᱟᱶᱦᱮᱫ ᱫᱷᱟᱹᱨᱛᱤᱨᱮ
ᱠᱚᱨᱳᱱᱟ ᱵᱷᱟᱭᱨᱟᱥ ᱜᱷᱚᱱᱦᱚᱸ ᱵᱚᱛᱚᱨᱟᱱ ᱡᱩᱜᱽᱱᱤᱭᱟᱜ
ᱚᱧᱡᱽᱨᱟ ᱚᱨᱥᱚᱝ ᱪᱟᱢᱠᱮᱭᱟᱠᱟᱱᱟ।

ᱚᱱᱚᱞᱤᱭᱟᱹᱠᱳ ᱦᱚᱸ ᱢᱩ ᱢᱚᱪᱟ ᱴᱚᱯᱟᱨ ᱮᱥᱮᱫ ᱠᱟᱛᱮ ᱠᱳ
ᱫᱟᱬᱟ ᱵᱟᱲᱟᱭ ᱠᱟᱱᱟ,
ᱥᱚᱨᱠᱟᱨ ᱵᱚᱞᱮᱥᱚᱠᱟᱢ ᱥᱳᱥᱟᱞ ᱰᱤᱥᱴᱮᱱᱥᱤᱝ ᱠᱷᱚᱱ ᱦᱚᱸ
ᱟᱨᱦᱚᱸ ᱥᱟᱹᱜᱤᱧ ᱟᱯᱟᱱ ᱟᱹᱯᱤᱱ ।

ᱛᱟᱨᱟᱞ ᱵᱟᱥᱟᱞ ᱟᱠᱟᱱᱟ ᱩᱭᱦᱟᱹᱨ ᱵᱷᱟᱵᱽᱱᱟ
ᱛᱚᱞᱟᱥ ᱛᱚᱯᱚᱞᱟᱥ; ᱨᱤᱠᱟᱹ ᱵᱟᱹᱱᱩᱜ ᱟᱱᱟ
ᱥᱟᱱᱛᱟᱲᱤ ᱥᱟᱶᱦᱮᱫ ᱫᱷᱟᱹᱨᱛᱤ ᱨᱮᱱᱟᱜ ᱥᱚᱨᱮᱥ ᱴᱷᱟᱶᱨᱮ
ᱛᱷᱟᱯᱚᱱ ᱥᱟᱹᱨᱤ ᱨᱮᱱᱟᱜ।

ᱛᱚᱨᱡᱚᱢᱟ ᱨᱮᱱ ᱵᱟᱹᱜᱷᱩᱛ ᱟᱨ ᱟᱯᱟᱱᱚᱜ ᱨᱮᱱᱟᱜ ᱟᱸᱥᱼᱮ
ᱞᱮᱵᱽᱫᱟ ᱜᱤᱰᱤᱭᱮᱫᱟ ᱥᱚᱨᱮᱥ ᱥᱤᱨᱡᱚᱱ, ᱥᱚᱱᱮᱨ ᱚᱱᱚᱞ ᱠᱳ।
ᱧᱤᱫᱤᱨᱠᱳ ᱡᱚᱢ ᱮᱫᱟ ᱠᱟᱹᱦᱱᱤ, ᱜᱟᱭᱟᱱ, ᱜᱟᱢᱟᱢ ᱨᱮᱱᱟᱜ
ᱢᱟᱸᱡᱽ ᱟᱨ ᱢᱩᱴᱷᱟᱹᱱ।

ᱦᱟᱱᱛᱮ ᱱᱟᱛᱮ ᱚᱨ ᱚᱯᱚᱨᱛᱮ ‘ᱪᱤᱠᱤ ᱵᱟᱨᱟᱦᱤ’ ᱨᱮᱱᱟᱜ ᱜᱟᱞᱟᱝ ᱱᱤᱛᱷᱚᱸ ᱫᱷᱤᱸᱜᱟᱹᱞ ᱥᱟᱸᱜᱟᱞ ;
ᱚᱱᱚᱞᱤᱭᱟᱹ ᱡᱤᱭᱚᱱ ᱥᱟᱹᱨᱤᱭᱟᱹᱲ ᱠᱷᱚᱱ ᱟᱫᱚᱜ ᱠᱟᱱᱟ
ᱡᱟᱹᱛᱤᱭᱟᱹᱨᱤ ᱨᱮᱱᱟᱜ ᱥᱚ ᱥᱚᱸᱫᱷᱟᱲ।

ᱟᱹᱠᱷᱤᱨ ᱠᱩᱱᱟᱹᱢᱤ ᱛᱮᱨᱫᱮᱡ ᱢᱟᱨᱥᱟᱞ ᱛᱟᱸᱹᱜᱤᱛᱮ ᱱᱤᱛᱷᱚᱸ
ᱚᱱᱚᱞᱤᱭᱟᱹ ᱠᱚᱣᱟᱜ ᱱᱚᱱᱚᱞ ᱫᱚ ᱵᱟᱝ ᱛᱷᱤᱨ ᱟᱠᱟᱱᱟ ,
ᱟᱸᱥ ᱟᱨ ᱠᱩᱠᱢᱩ ᱨᱮ ᱜᱚᱲᱚ ᱫᱚ ᱱᱚᱣᱟᱜᱮ।

ᱢᱮᱱᱠᱷᱟᱱ ᱵᱟᱰᱟᱭ ᱵᱟᱹᱱᱩᱜᱼᱟ
ᱱᱚᱣᱟ ᱟᱡᱟᱨ ᱨᱮᱱᱟᱜ ᱢᱩᱪᱟᱹᱫ ᱫᱚ ᱟᱠᱟᱨᱮ?
ᱪᱮᱫᱟᱜ ᱥᱮ,
ᱱᱚᱣᱟ ᱟᱡᱟᱨ ᱨᱮᱱᱟᱜ ᱵᱷᱮᱠᱥᱤᱱ
ᱱᱤᱛᱷᱚᱸ ᱟᱹᱣᱨᱤ ᱵᱮᱱᱟᱣ ᱥᱟᱹᱛᱚᱜᱼᱟ !!

_________*****_________

© এম. নেপোলিয়ন টুডু ।। ১১ জুন ২০২০ ।।