ᱜᱤᱫᱽᱨᱟ.ᱠᱳ ᱞᱟ.ᱜᱤᱫ ᱚᱱᱚᱬᱦᱮ; ”ᱦᱚᱦᱚᱭᱮᱫᱟᱭ ᱵᱷᱚᱜᱽᱱᱟᱰᱤ”

ᱦᱚᱦᱚᱭᱮᱫᱟᱭ ᱵᱷᱚᱜᱽᱱᱟᱰᱤ

✏️✏️ ᱜᱚᱱᱮᱥ ᱢᱟᱨᱟᱱᱰᱤ (ᱥᱟᱜᱮᱱ ᱥᱟᱠᱟᱢ)

ᱚᱛᱮ ᱟᱧᱡᱚᱢᱚᱜ ᱠᱟᱱ ᱦᱚᱢᱚᱨ ᱟᱲᱟᱝ ;
ᱫᱟᱨᱟᱭ ᱠᱟᱱᱟ ᱧᱩᱛᱟᱹᱛ ᱠᱟᱲᱟᱝ ।
ᱵᱷᱚᱜᱽᱱᱟᱰᱤ ᱨᱮᱢᱟ ᱢᱟᱭᱟᱝ ᱡᱚᱨᱚᱜ ,
ᱥᱟᱱᱛᱟᱲ ᱦᱚᱯᱚᱱᱠᱳ ᱦᱚᱨᱚᱵᱚᱨᱚᱜ।

ᱵᱟᱹᱭᱨᱤᱠᱳ ᱢᱟ ᱢᱮᱹᱞᱮᱹ ᱢᱮᱹᱞᱮᱹ ,
ᱦᱚᱲ ᱦᱚᱯᱚᱱ ᱢᱟ ᱡᱟᱞᱮ ᱛᱷᱟᱞᱮ।
ᱱᱟᱥᱟᱜ ᱠᱟᱱᱟ ᱛᱤᱨᱞᱟᱹ ᱵᱷᱚᱨᱚᱢ ,
ᱵᱟᱹᱭᱨᱤ ᱢᱩᱴᱷᱟᱹᱱ ᱫᱮᱵᱚᱱ ᱳᱨᱳᱢ।

ᱱᱤᱛᱷᱚᱸ ᱡᱤᱣᱤ ᱱᱟᱥᱟᱜ ᱠᱟᱱ ,
ᱵᱟᱹᱭᱨᱤᱠᱳ ᱠᱳ ᱪᱟᱢᱠᱮᱭᱟᱠᱟᱱ।
ᱫᱮᱵᱚᱱ ᱡᱩᱢᱤᱫᱚᱜ ᱞᱟᱹᱲᱦᱟᱹᱭᱨᱮ ,
ᱡᱚᱛᱚ ᱵᱚᱭᱦᱟ ᱢᱤᱥᱤ ᱵᱷᱟᱭᱨᱮᱹ।

ᱞᱟᱥᱮᱨᱟᱵᱚᱱ ᱟᱹᱠᱤᱞ ᱫᱟᱲᱮ ,
ᱢᱮᱱᱟᱜ ᱥᱟᱯᱟᱵ, ᱥᱟᱹᱠᱷᱤ ᱵᱟᱲᱮ।
ᱫᱮᱵᱚᱱ ᱪᱤᱨᱜᱟᱹᱞᱚᱜ ᱟᱹᱰᱤ ᱟᱹᱰᱤ ,
ᱚᱛᱮ ᱦᱚᱦᱚᱭᱮᱫᱟᱭ ᱵᱷᱚᱜᱽᱱᱟᱰᱤ।
—————*——————