ᱡᱮᱜᱮᱫ ᱡᱟᱠᱟᱛ ᱟ.ᱫᱤᱵᱟ.ᱥᱤ ᱢᱟᱦᱟ ᱫᱤᱥᱟ. ᱠᱟᱛᱮ

ᱜᱩᱨᱟ.ᱭ ᱠᱤᱥᱠᱩ

ᱟ.ᱫᱽᱼᱵᱩᱱᱭᱟ.ᱫᱽ ᱟᱫᱚᱜ ᱠᱟᱱᱟᱢ
ᱟᱢ ᱫᱚ ᱚᱠᱟ ᱫᱚᱨᱭᱟ ᱨᱮ?
ᱠᱚᱭᱚᱜ ᱢᱮᱥᱮ ᱱᱟᱜᱟᱢ
ᱦᱚ ᱦᱚ ᱟᱢᱠᱟᱱ ᱫᱚ ᱨᱮ ᱾

ᱟᱢ ᱫᱚ ᱟ.ᱫᱤᱢ
ᱦᱟᱥᱟ ᱛᱟᱢ ᱢᱤᱫ ᱪᱷᱮᱫᱟᱢ,
ᱨᱮᱡ ᱦᱚᱪᱚᱭᱮᱱᱟᱢ ᱥᱟᱱᱟᱢᱟᱜ
ᱱᱤᱛ ᱦᱚᱸ ᱠᱟ.ᱠᱷᱩᱣᱟ. ᱠᱩᱰᱤ ᱜᱚᱜ ᱠᱟᱛᱮ
ᱰᱟᱦᱟᱨ ᱥᱤᱭᱩᱜ, ᱪᱟᱞᱟᱜ ᱼᱟᱢ ᱦᱟᱥᱟ ᱢᱟᱜ
ᱵᱟᱝᱠᱷᱟᱱ ᱠᱚᱭᱞᱟ ᱠᱷᱟᱫᱟᱱ,
ᱞᱟ ᱚᱸᱰᱳᱠ ᱦᱤᱨᱟ. ᱛᱟᱱᱟᱜ
ᱨᱮᱞ ᱠᱳᱰᱳᱨ ᱥᱟᱢᱟᱱᱚᱢ
ᱦᱚᱲᱢᱚ ᱥᱚᱠᱚᱡ ᱥᱟᱠᱲᱟᱜ,
ᱵᱟᱨ ᱯᱷᱩᱲᱩᱜ ᱨᱟᱱ ᱫᱟᱜ ᱠᱩᱥᱟᱞ ᱫᱟᱜ
ᱤᱱᱟ. ᱛᱮᱜᱮ ᱟᱢᱫᱚᱢ ᱟᱫᱟᱜ,
ᱫᱟᱜᱽ ᱫᱟᱠᱟᱢ ᱫᱮᱭᱟ ᱠᱟᱜ
ᱞᱚᱦᱚᱢ ᱞᱟᱜᱤᱫᱼᱮᱢ ᱞᱟᱦᱟᱜ
ᱜᱷᱟᱸᱡᱽᱞᱚᱝ ᱯᱟᱨᱠᱚᱢᱨᱮᱢ ᱞᱟᱴᱷᱟᱜ
ᱜᱤᱛᱤᱡ ᱜᱤᱛᱤᱡ ᱢᱮ.ᱨᱮ.ᱞ ᱢᱮ.ᱨᱮ.ᱞ ᱠᱚᱭᱚᱜ
ᱟᱨ ᱢᱟᱭᱟᱢᱜᱮᱢ ᱫᱚᱭᱚᱜ,
ᱛᱤᱼᱡᱟᱸᱜᱟ ᱞᱟᱠᱟᱲ ᱞᱩᱠᱩᱲ
ᱱᱤᱛ ᱫᱚ ᱢᱮᱱᱟᱢ ᱴᱷᱩᱸᱴᱢᱩᱬ᱾

ᱵᱤᱨ ᱵᱩᱨᱩ ᱠᱩᱸᱵᱟ. ᱠᱩᱲᱭᱟ. ᱚᱲᱟᱜ
ᱚᱱᱟ ᱦᱚᱸ ᱨᱮᱨᱮᱡ ᱠᱚ ᱠᱮᱠᱲᱮᱜ,
ᱟᱢ ᱞᱟᱜᱟ ᱞᱟ.ᱜᱤᱫ ᱟ.ᱱᱟ.ᱨᱤ
ᱪᱷᱩᱴᱟ.ᱣ ᱟᱠᱟᱱᱟ ᱠᱚ ᱡᱳᱨᱮᱯᱟᱨᱤ᱾

ᱵᱟᱦᱨᱮ ᱫᱤᱥᱚᱢ ᱵᱟ.ᱭᱨᱤ
ᱵᱚᱞᱚ ᱟᱠᱟᱱᱟ ᱠᱚ ᱥᱟ.ᱨᱤ,
ᱜᱮᱞᱮᱡ ᱠᱟᱛᱮᱢ ᱮᱢᱟᱠᱟᱫᱠᱚ ᱫᱷᱚᱱ ᱫᱩᱨᱤᱵᱽ
ᱟᱢ ᱫᱚ ᱱᱤᱛᱚᱜ ᱨᱮᱸᱜᱮᱡ ᱜᱩᱨᱤᱵᱽ,
ᱵᱟᱱᱩᱜ ᱛᱟᱢᱟ ᱠᱟ.ᱡᱛᱟᱞᱟᱝ ᱫᱷᱮᱡᱽ
ᱱᱤᱛ ᱟᱢᱟᱜ ᱦᱟᱥᱟᱨᱮ ᱠᱚ ᱨᱟᱡᱽ᱾

ᱟᱢ ᱫᱚ ᱱᱤᱛ ᱵᱟᱱᱩᱜ ᱛᱟᱢᱟ ᱫᱟᱣ
ᱦᱟᱥᱟ ᱢᱟᱴᱤ ᱡᱚᱛᱚᱱ ᱡᱳᱜᱟᱣ ᱾
ᱟᱢ ᱜᱮ ᱟᱫᱤᱢ ᱡᱟᱛᱤᱼᱼ
ᱟᱢᱟᱜ ᱫᱤᱥᱚᱢ ᱨᱮ ᱱᱤᱛ ᱩᱯᱼᱡᱟᱛᱤ᱾

ᱵᱮᱱᱟᱣ ᱟᱠᱟᱫ ᱵᱟ.ᱫᱽ ᱵᱟ.ᱭᱦᱟ.ᱲ
ᱦᱩᱲᱩ ᱜᱮ.ᱞᱮ. ᱛᱟᱸᱦᱟᱲ ᱵᱤᱸᱦᱟ.ᱲ ᱼᱼ
ᱮᱨᱟᱢ ᱨᱚᱦᱚᱭᱟᱢ, ᱪᱩᱯᱩᱫ ᱦᱩᱲᱩ ᱜᱟ.ᱪᱷᱤ ᱤᱨᱟᱢ
ᱟᱢ ᱞᱟ.ᱜᱤᱫ ᱫᱚ ᱵᱟᱝ ᱫᱤᱠᱩ ᱠᱤᱸᱥᱟ.ᱲ ᱞᱟᱜᱤᱫᱽ᱾
ᱢᱟᱥᱮ ᱟᱫᱤᱢ ᱫᱤᱥᱟ.ᱭ ᱢᱮ
ᱟᱢᱟᱜ ᱫᱚ ᱛᱟᱦᱮᱸᱭᱮᱱ ᱛᱟᱢᱟ ᱪᱮᱫᱽ?

ᱱᱤᱛᱦᱚᱸ ᱚᱠᱛᱚ ᱦᱮᱱᱟᱜ
ᱡᱟ.ᱯᱤᱫ ᱠᱷᱚᱱ ᱮᱵᱷᱮᱱ ᱨᱮᱱᱟᱜ
ᱚᱞᱚᱜ ᱟ.ᱠᱤᱞ ᱢᱮᱫᱽ ᱢᱟᱨᱥᱟᱞ
ᱥᱳᱛᱳᱜ ᱢᱮᱭᱟᱭ ᱪᱤᱨᱜᱟ.ᱞ᱾

ᱫᱷᱟ.ᱨᱛᱤ ᱡᱟᱠᱟᱛ ᱟ.ᱫᱤᱵᱟ.ᱥᱤ ᱢᱟᱦᱟ
ᱫᱮᱞᱟ ᱮᱫᱟᱭ ᱡᱩᱢᱤᱫ ᱨᱮᱱᱟᱜ, ᱼᱼ
ᱟᱫᱚ ᱵᱟᱵᱚᱱ ᱛᱟᱦᱮᱸᱱ ᱡᱟ.ᱯᱤᱫ ᱛᱷᱤᱨ
ᱟᱫ ᱟᱠᱟᱱ ᱟ.ᱭᱫᱟ.ᱨ ᱨᱩᱣᱟ.ᱲᱟᱵᱚ ᱜᱷᱤᱲ ᱜᱷᱤᱲ᱾
ᱡᱩᱢᱤᱫ ᱠᱟᱛᱮᱵᱚᱱ ᱢᱮᱱ,—
ᱟᱞᱮᱭᱟᱜ ᱞᱟᱭᱞᱟᱠᱪᱟᱨ ᱡᱩᱫᱟ.ᱜᱮᱭᱟ
ᱟᱞᱮᱭᱟᱜ ᱫᱷᱚᱨᱚᱢ ᱠᱚᱨᱚᱢ ᱦᱚᱸ ᱡᱩᱫᱟ.ᱜᱮᱭᱟ
ᱟᱞᱮ ᱫᱚ ᱟᱞᱮᱞᱮᱠᱟ ᱛᱟᱦᱮᱸ ᱦᱚᱪᱚᱣᱟᱞᱮᱯᱮ
ᱟᱞᱮᱭᱟᱜ ᱦᱟᱥᱟ ᱢᱟᱴᱤ ᱮᱢᱠᱟᱛᱟᱞᱮᱯᱮ᱾
ᱵᱟᱝᱠᱷᱟᱱ ᱡᱩᱢᱤᱫ ᱠᱟᱛᱮᱞᱮ ᱦᱩᱞ ᱜᱮᱭᱟ ᱦᱳ
ᱡᱩᱢᱤᱫ ᱠᱟᱛᱮᱞᱮ ᱦᱩᱞ ᱜᱮᱭᱟ᱾᱾