হিটৗং ঝাড়াং

ᱦᱤᱴᱟ.ᱝ ᱡᱷᱟᱲᱟᱝ

ᱨᱤᱢᱤᱞ

ᱠᱚᱭᱚᱜ ᱨᱩᱭᱟᱹᱲ ᱢᱮᱥᱮ ᱹᱹᱹᱹᱹᱹᱹᱹᱹᱹ
ᱦᱟᱱᱮ ᱥᱮᱫᱟᱭᱟᱜ ᱦᱤᱦᱤᱲᱤ ᱯᱤᱯᱲᱤ
ᱪᱟᱹᱭ, ᱪᱟᱢᱯᱟ, ᱵᱟᱫᱳᱞᱤ, ᱠᱚᱸᱭᱵᱟ,
ᱛᱤᱱᱟᱹᱜ ᱢᱚᱧᱡᱽ ᱛᱟᱸᱦᱮᱠᱟᱱᱟ ᱠᱷᱮᱨᱣᱟᱞ ᱜᱟᱲ᱾
ᱛᱟᱸᱦᱮ ᱠᱟᱱᱟ ᱥᱟᱶᱛᱟ ᱛᱟᱞᱟ ᱥᱩᱞᱩᱠ ᱱᱤᱨᱟᱹᱭ᱿
ᱠᱟᱹᱭᱡᱟᱹ, ᱠᱷᱟᱹᱯᱟᱹᱨᱤ, ᱦᱤᱸᱥᱟᱹᱼᱥᱩᱭᱟᱹᱹᱹᱹᱹᱹᱹᱹᱹ
ᱵᱟᱝ ᱛᱟᱸᱦᱮ ᱠᱟᱱᱟ ᱢᱟᱹᱱᱢᱤ ᱢᱚᱱᱮᱨᱮ ᱠᱩᱭᱟᱹ ,
ᱥᱟᱶᱛᱟ ᱛᱟᱞᱟ ᱥᱩᱞᱩᱠ ᱥᱟᱹᱜᱟᱭ ᱦᱩᱱᱟᱹᱝ
ᱵᱚᱭᱦᱟ ᱥᱟᱹᱜᱟᱭ ᱞᱮᱠᱟ ᱛᱟᱸᱦᱮ ᱠᱟᱱᱟ ᱥᱤᱱᱟᱹᱢ᱿

ᱩᱭᱦᱟᱹᱨ ᱢᱮᱥᱮ ᱱᱤᱛᱟᱜ ᱥᱟᱶᱛᱟ
ᱵᱮᱼᱵᱟᱹᱲᱤᱡ ᱠᱟᱹᱢᱤ ᱟᱨ ᱮᱠᱮᱱ ᱵᱷᱟᱶᱛᱟ,
ᱫᱷᱚᱨᱚᱢ ᱠᱷᱟᱹᱛᱤᱨ ᱫᱮᱹᱥ ᱫᱚ ᱵᱷᱮᱜᱟᱨᱮᱱ
ᱵᱚᱭᱦᱟ ᱥᱟᱹᱜᱟᱹᱭ ᱦᱚᱸ ᱢᱟᱥᱮ ᱵᱟᱯᱟᱜᱼᱮᱱ᱾

ᱦᱤᱴᱟᱹᱝ ᱡᱷᱟᱲᱟᱝ ᱦᱮᱱᱟᱜ ᱱᱚᱣᱟ ᱥᱟᱶᱛᱟ,
ᱡᱩᱢᱤᱫ ᱞᱟᱹᱜᱤᱫ ᱠᱳ ᱨᱤᱠᱟᱹᱭᱮᱱ ᱛᱤᱱᱟᱹᱜ ᱜᱟᱶᱛᱟ
ᱢᱤᱴᱤᱝ ᱢᱤᱪᱷᱤᱞ ᱫᱳᱢᱮᱞ ᱫᱳᱢᱮᱞ‌ᱹᱹᱹᱹᱹᱹᱹ
ᱥᱟᱶᱛᱟ ᱦᱩᱛᱤᱠᱳ ᱠᱚᱭᱚᱜ ᱟᱠᱟᱫ ᱢᱮᱸᱨᱮᱞ ᱢᱮᱸᱨᱮᱞ,
ᱥᱚᱢᱟᱡᱽ ᱨᱮᱭᱟᱜ ᱢᱚᱦᱚᱛᱟᱱ ᱟᱹᱱ ᱟᱹᱨᱤ
ᱛᱤᱥᱦᱚᱸ ᱵᱟᱝ ᱵᱳᱱ ᱨᱟᱹᱯᱩᱫᱽ ᱱᱚᱣᱟᱜᱮᱵᱳᱱ ᱥᱟᱹᱨᱤ᱾
ᱥᱟᱶᱛᱟ ᱨᱮᱱ ᱞᱤᱸᱫᱤᱨ ᱜᱟᱸᱰᱟᱨᱹᱹᱹᱹ
ᱮᱱᱦᱚᱸᱠᱚ ᱡᱚᱢᱮᱫ ᱠᱟᱱᱟ ᱥᱟᱶᱛᱟ ᱨᱤᱦᱤᱴ᱾

ᱠᱚᱭᱚᱜᱽ ᱢᱮᱥᱮ ᱱᱤᱛᱚᱜ ᱥᱟᱶᱛᱟ ᱛᱟᱞᱟ
ᱠᱚᱭᱚᱜᱽ ᱢᱮᱥᱮ ᱱᱤᱛᱚᱜ ᱥᱟᱱᱟᱢ ᱫᱤᱥᱚᱢ ᱛᱟᱞᱟ
ᱦᱤᱴᱟᱹᱝ ᱡᱷᱟᱲᱟᱝᱜᱮ ᱢᱮᱱᱟᱜ ᱟᱢᱟᱜ ᱥᱟᱶᱛᱟ,
ᱨᱤᱦᱤᱴ ᱞᱟᱹᱜᱤᱫ ᱡᱟᱸᱦᱟᱭᱼᱮ ᱢᱮᱱ ᱩᱱᱤᱜᱮᱛᱚ ᱵᱷᱟᱶᱛᱟ᱾
ᱫᱩᱠᱷ ᱫᱚᱨᱭᱟ ᱠᱷᱚᱱ ᱚᱣᱟᱨ ᱞᱟᱹᱜᱤᱫ
ᱱᱚᱣᱟ ᱥᱟᱶᱛᱟ ᱚᱜᱚᱢ ᱫᱚᱨᱭᱟᱥᱮᱫᱜᱮᱭ ᱞᱟᱦᱟᱭ,
ᱚᱱᱠᱟᱱ ᱢᱟᱹᱱᱢᱤᱠᱳᱜᱮᱛᱚ ᱢᱟᱹᱱᱵᱳᱱ ᱥᱚᱝᱼᱟᱭ᱾
ᱫᱷᱚᱨᱚᱢ ᱨᱮᱭᱟᱜ ᱮᱱᱮᱡ ᱥᱮᱨᱮᱧ, ᱵᱤᱱᱛᱤ ᱵᱟᱠᱷᱮᱬ
ᱠᱟᱹᱣᱵᱤ ᱞᱟᱞᱚᱪᱛᱮᱜᱮ ᱥᱟᱱᱟᱢᱼᱮᱢ ᱩᱡᱟᱹᱲ᱾
ᱛᱮᱭᱟᱨᱚᱜ ᱠᱟᱱᱟᱠᱳ ᱛᱤᱱᱟᱹᱜ ᱢᱟᱹᱧᱡᱽᱦᱤ ᱪᱮᱛᱟᱱ ᱢᱟᱹᱧᱡᱽᱦᱤ,
ᱨᱟᱹᱯᱩᱫ ᱮᱫᱟᱠᱳ ᱢᱚᱦᱚᱛᱟᱱ ᱟᱹᱱ ᱟᱹᱨᱤ,
ᱱᱟᱣᱟᱠᱟᱨᱛᱮ ᱛᱮᱭᱟᱨ ᱮᱫᱟᱠᱳ ᱥᱚᱢᱟᱡᱽ ᱨᱮᱭᱟᱜ ᱟᱹᱨᱤ;
ᱨᱟᱹᱯᱩᱫ ᱮᱫᱟᱠᱳ ᱡᱟᱦᱮᱨ ᱛᱷᱟᱱ, ᱵᱳᱝᱜᱟ ᱵᱩᱨᱩ ᱟᱹᱨᱤᱪᱟᱞᱤ
ᱱᱚᱣᱟ ᱜᱮᱛᱚᱠᱳ ᱢᱮᱛᱟᱜ ᱠᱟᱱᱟ “ᱨᱟᱡᱽᱟᱹᱨᱤ”᱿

ᱤᱧᱟ.ᱜ ᱥᱟᱶᱛᱟ ᱹᱹᱹᱹᱹᱹ ᱤᱧᱟ.ᱜ ᱜᱟᱶᱛᱟ
ᱥᱟᱱᱟᱢ ᱠᱷᱚᱱᱟᱜ ᱟᱹᱰᱤ ᱥᱚᱨᱮᱥ
ᱯᱟᱥᱱᱟᱹᱣ ᱮᱫᱟᱠᱳ ᱱᱟᱣᱟ ᱥᱟᱶᱛᱟ ᱟᱹᱨᱤ ᱥᱟᱱᱟᱢ,
“ᱨᱟᱡᱽᱟᱹᱨᱤ” ᱱᱮᱛᱟᱜ ᱞᱟᱹᱜᱤᱫ ᱠᱩᱠᱢᱩ ᱛᱟᱠᱳ ᱥᱟᱹᱨᱤᱭᱟᱱ᱾
ᱦᱟᱴᱤᱝ ᱮᱫᱟᱠᱳ ᱢᱤᱫ ᱟᱛᱳ , ᱵᱟᱨ ᱯᱮ ᱯᱟᱴᱤ
ᱱᱟᱯᱟᱭ ᱠᱟᱛᱷᱟ ᱦᱚᱸ ᱥᱤᱠᱤᱲᱼᱮᱱ ,
ᱰᱟᱹᱰᱤ, ᱠᱩᱧ ᱫᱟᱜ ᱦᱟᱹᱴᱤᱝ ᱮᱱ᱾
ᱱᱮᱛᱟᱭᱮᱱᱟᱠᱳ ᱟᱨᱦᱚᱸ ᱮᱢᱟᱱ, ᱢᱩᱪᱟᱹᱫ ᱨᱮᱫᱚ ᱵᱷᱩᱞᱩ ᱥᱮᱛᱟ,
ᱥᱟᱶᱛᱟ ᱥᱟᱱᱟᱢᱠᱳ ᱟᱠᱷᱨᱤᱧ ᱠᱮᱫᱼᱟ
“ᱨᱟᱡᱽᱟᱹᱨᱤ” ᱜᱮᱠᱳ ᱥᱟᱢᱟᱝ ᱠᱮᱫᱼᱟ ;
ᱠᱚᱭᱚᱜᱽ ᱢᱮᱥᱮ ᱢᱤᱫᱫᱷᱟᱣᱹᱹᱹᱹᱹᱹ
ᱦᱤᱴᱟᱹᱝ ᱡᱷᱟᱲᱟᱝ ᱟᱠᱟᱱ ᱟᱢᱟᱜ ᱥᱟᱶᱛᱟ᱿