Monthly Archives: August 2020

গরজ্‌ ᱜᱚᱨᱚᱡᱽ





ᱮᱢ ᱱᱮᱹᱯᱳᱞᱤᱭᱟᱱ ᱴᱩᱰᱩ

ᱠᱳᱨᱳᱱᱟ ᱯᱷᱟᱱᱰ ᱨᱮ ᱠᱟᱹᱣᱰᱤ ᱮᱢᱚᱜ
ᱮᱦᱳ, ᱦᱟᱨᱮᱯᱷᱟᱨᱮ ᱟᱢ
ᱥᱟᱱᱛᱟᱲᱤ ᱛᱮ ᱥᱮᱪᱮᱫ ᱵᱟᱠᱷᱨᱟ
ᱜᱚᱨᱚᱡᱽ ᱳᱠᱳᱨ ᱛᱟᱢ ?

ᱡᱟᱸᱦᱟ ᱨᱮᱜᱮ ᱜᱚᱲᱚ ᱮᱢ ᱫᱚ
ᱮᱠᱟᱞᱜᱮ ᱵᱟᱝ ᱠᱟᱹᱭ
ᱚᱠᱟᱭᱮᱱᱟᱢ ᱥᱩᱥᱟᱹᱨᱤᱭᱟᱹ
ᱪᱮᱫᱟᱜ, ᱪᱮᱫᱷᱚᱸ ᱵᱟᱝᱼᱮᱢ ᱞᱟᱹᱭ ?

ᱥᱟᱱᱛᱟᱲᱤ ᱢᱮᱹᱰᱤᱭᱟᱢ ᱯᱟᱹᱴᱷᱩᱣᱟᱹ ᱱᱤᱛᱳᱜ
ᱟᱹᱰᱤ ᱵᱷᱟᱹᱵᱤᱛ ᱛᱟᱞᱟ
ᱛᱤᱥ ᱪᱚ ᱟᱹᱨᱤ ᱪᱷᱟᱹᱴᱭᱟᱹᱨᱚᱜᱼᱟ
ᱢᱮᱴᱟᱜ ᱛᱟᱠᱳ ᱡᱟᱞᱟ।

ᱥᱤᱠᱷᱱᱟᱹᱛᱜᱮ ᱥᱟᱶᱛᱟ ᱨᱮᱱᱟᱜ
ᱠᱷᱟᱢᱠᱷᱩᱱᱴᱤ ᱠᱟᱱ
ᱥᱮᱪᱮᱫ ᱵᱮᱜᱚᱨ ᱪᱮᱫᱷᱚᱸ ᱵᱟᱹᱱᱩᱜ
ᱥᱟᱶᱛᱟ ᱟᱡᱟᱨ ᱨᱟᱱ।





ᱯᱟᱹᱨᱥᱤᱵᱳᱱ ᱵᱟᱧᱪᱟᱣ ᱠᱷᱟᱱ
ᱞᱟᱠᱪᱟᱨ ᱫᱷᱚᱨᱚᱢ ᱡᱟᱹᱛᱤ
ᱡᱮᱨᱮᱫᱟᱵᱳᱱ ᱟᱭᱳ ᱟᱲᱟᱝ
ᱥᱤᱠᱷᱱᱟᱹᱛ ᱢᱟᱨᱥᱟᱞ ᱵᱟᱹᱛᱤ।

ᱫᱮᱞᱟ ᱥᱟᱱᱟᱢ ᱵᱚᱭᱦᱟ ᱵᱩᱦᱤᱱ
ᱢᱤᱫ ᱠᱟᱛᱮᱵᱳᱱ ᱨᱚᱲ
ᱟᱵᱳᱠᱳᱨᱮᱱ ᱯᱟᱹᱴᱷᱩᱣᱟᱹ ᱞᱟᱹᱜᱤᱫ
ᱟᱹᱭᱫᱷᱟᱹᱨᱤ ᱵᱳᱱ ᱡᱚᱲ।

ᱮᱠᱟᱞ ᱵᱟᱵᱳᱱ ᱫᱩᱲᱩᱵ ᱛᱟᱦᱮᱸᱱ
ᱚᱠᱛᱚ ᱵᱟᱹᱱᱩᱜ ᱛᱟᱵᱳᱱ
ᱰᱟᱦᱟᱨ ᱟᱬᱜᱳ ᱞᱟᱹᱠᱛᱤ ᱞᱮᱱᱨᱮ
ᱛᱮᱸᱜᱳ ᱢᱮᱥᱟᱜ ᱟᱵᱳᱱ।

ᱥᱟᱹᱢᱩᱫᱽ ᱜᱟᱹᱦᱤᱨ ᱯᱟᱹᱛᱭᱟᱹᱣ ᱢᱮᱱᱟᱜ
ᱚᱨᱡᱚ ᱧᱟᱢᱚᱜ ᱜᱮᱭᱟ
ᱡᱟᱦᱮᱨ ᱵᱳᱝᱜᱟ ᱥᱟᱱᱛᱟᱲ ᱱᱟᱜᱟᱢ
ᱟᱢᱮ ᱥᱚᱨᱮᱥ ᱢᱮᱭᱟ।

_____*****____