ᱡᱮᱜᱮᱫ ᱡᱟᱠᱟᱛ ᱟ.ᱫᱤᱵᱟ.ᱥᱤ ᱢᱟᱦᱟ ᱫᱤᱥᱟ. ᱛᱮ

-ᱱᱚᱨᱮᱱᱫᱨᱚ ᱱᱟᱛᱷ ᱦᱟᱸᱥᱫᱟ

ᱱᱚᱣᱟ ᱥᱚᱥᱱᱚᱜ ᱥᱟᱶᱛᱟ ᱨᱮᱱᱟᱜ ᱠᱟᱛᱷᱟ ᱩᱭᱦᱟ.ᱨ ᱠᱟᱛᱮ,
ᱟ.ᱫᱽ ᱵᱩᱱᱭᱟ.ᱫᱽ ᱨᱮᱱᱟᱜ ᱦᱚᱠ ᱟ.ᱭᱫᱟ.ᱨ ᱥᱚᱞᱚᱢ ᱞᱚᱴᱚᱢᱚᱜ ᱠᱟᱱᱛᱮ᱾
ᱚᱱᱚᱞᱤᱭᱟ. ᱟᱜ ᱢᱚᱱᱮ ᱵᱟᱝ ᱛᱷᱤᱨ ᱛᱟᱦᱮᱱ,
ᱥᱟᱶᱛᱟᱨᱮ ᱧᱮᱞᱚᱜ ᱠᱟᱱ ᱥᱟ.ᱨᱤ ᱠᱟᱛᱷᱟ ᱯᱟᱞᱮᱱ᱾
ᱡᱷᱟᱞᱠᱟᱣ ᱨᱟᱠᱟᱵ ᱜᱚᱫᱚᱜ ᱡᱷᱟᱨᱱᱟ ᱱᱚᱱᱚᱞ,
ᱟᱸᱠᱟᱣ ᱜᱚᱫᱚᱜ ᱚᱱᱚᱞᱤᱭᱟ. ᱟᱜ ᱥᱟᱢᱟᱱᱚᱢ ᱚᱱᱚᱞ᱾
ᱢᱟ.ᱱᱢᱤ ᱡᱤᱭᱚᱱ ᱨᱮᱱᱟᱜ ᱥᱟ.ᱨᱤ ᱚᱬᱦᱮ,
ᱚᱱᱚᱞᱤᱭᱟ. ᱫᱚᱭ ᱵᱮᱱᱟᱣ ᱜᱚᱫᱽ ᱚᱱᱚᱬᱦᱮ᱾
ᱟᱭᱳ-ᱵᱟᱵᱟ ᱫᱩᱞᱟ.ᱲ, ᱵᱚᱭᱦᱟ ᱫᱩᱞᱟ.ᱲ,
ᱡᱩᱨᱤ-ᱯᱟᱨᱤ ᱥᱟᱶᱛᱮ ᱜᱟᱛᱮ ᱫᱩᱞᱟ.ᱲ᱾
ᱧᱟᱢ ᱟᱜᱩ ᱜᱚᱫᱟᱢ ᱦᱮᱞᱠᱟᱣ ᱠᱟᱛᱮ,
ᱩᱭᱦᱟ.ᱨ ᱫᱚᱦᱚᱭᱟᱢ ᱡᱷᱚᱛᱚ ᱚᱛᱮ ᱥᱚᱛᱮ᱾
ᱵᱮᱲᱟ ᱨᱟᱠᱟᱵ ᱛᱟᱨᱟᱥ ᱞᱮᱠᱟ ᱟᱨᱥᱟᱞ,
ᱥᱟᱶᱛᱟᱨᱮ ᱱᱟᱯᱟᱭ ᱰᱟᱦᱟᱨᱮ ᱢᱟᱨᱥᱟᱞ᱾
ᱟ.ᱫᱤᱵᱟᱥᱤ ᱢᱟᱭᱟᱝ ᱨᱤᱞᱟ.ᱢᱟᱞᱟ ᱢᱟᱭᱟᱝ,
ᱟ.ᱫᱤᱵᱟᱥᱤ ᱡᱟᱱᱟᱢ ᱥᱟ.ᱜᱩᱱ ᱨᱮᱭᱟᱝ᱾
ᱥᱤᱧ ᱪᱟᱸᱫᱳ ᱦᱚᱸ ᱡᱩᱫᱤᱭ ᱤᱸᱜᱚᱞ-ᱰᱤᱸᱜᱚᱞ,
ᱮᱱᱦᱚ ᱢᱟᱭᱟᱝ ᱟᱢᱟᱜ ᱟᱞᱚᱢ ᱵᱚᱫᱚᱞ᱾
ᱫᱤᱥᱚᱢ ᱨᱮᱱ ᱟᱢᱜᱮ ᱥᱚᱨᱮᱥ ᱡᱟ.ᱛᱤ,
ᱡᱟ.ᱛᱤ ᱛᱟᱢ ᱟᱞᱚᱢ ᱪᱷᱤᱛᱤ ᱵᱤᱛᱤ᱾