সরেস জৗতি

”জেগেৎ জাকাত রেন সানাম অৗদিবাসী মুদরে সরেস অৗদিবাসী দ সান্তাড়গে”- কালিরাম মুরমু

জেগেৎ জাকাত অৗদিবাসী; পৗহিল ওপরোম দ খেরোয়াল
সানামখন সরেস আবো সান্তাড়, দেকো কাথাতে সাঁওতাল, সান্থাল
আবোগে বিহার বেঙ্গল আসাম ওডিসা ঝাড়খণ্ড এমানকোরে
ঝাটা চেতান হতৎ নৗড়িলেকা পাসনাও আকান তারাল বাসাল।
পাসনাও আকান ওপরোম আবোনাঃ ধৗরতি জাকাতরে ২০০২ সাল
সান্তাড়ি জাঁহায়াঃ পৗরসি ওনকো দ জৗতি সান্থাল।।





নিতোঃ দ আর বানুঃবোনা সেদায় লেকা ধিঁগৗল সাঁগাল
চরক চিঁকৗড় আকান পৗঞ্চি ব্লেজারতে সাজাওাকান আবো সান্থাল
নিতোঃ দ আর বৗনুঃবোনা সেদায় লেকা রেঁগেজ কাঁগাল
জাঁহানাঃ বাং জাঁহালেকাতেগে কেটেজ আকাদাবোন ঘারঞ্জ হাল।।
নিতদ আবোয়াঃ হঁ আনাক রে হরঃ বান্দে আটাল গঁডাল
ছাটকা রাচা অড়াঃ রে বৗনুঃ অঞ্জরা জবরা ঢাল ঢাল
এটাঃ অৗদিবাসীকো লেকা সরচ পটচ ঞাগাল ঞাগাল;
নিতদ আর বানুঃবোনা আবো ফুরগৗল সান্তাল।।





অড়াঃ দুয়ৗর সরেস গড়হন জেড়ের পতাওতে চিকন চকন
উসুল পিঁডৗ কঠা অড়াঃ উডুক বলন ধিরিগাড় লেকা ইলন গলন।

সাঁড়েসিয়ৗ সৗরিয়ৗড় উয়হৗরতে পেরেজ জমসিম বিন্তি সিরজন
মৗনমী সুসার অৗনৗরি লাকচার নেমাচার বোংগাবুরু ধরম করম
সানাম জৗতি খন আয়মা আয়মা সরেসানাঃ ধন।
আতো, পিড়, মুলুক, দিসোম তাঁহেন বাঞ্চাও তিনভোর ধৗরতি জিয়ন
মৗঞ্জহি পারগানা সুসৗরিয়ৗতে বাঞ্চাও লৗগিদ সাঁওতা
ফৗরয়ৗ দাঃ লেকা নিরড় সানাম কওয়াঃ অন্তর মন।





লোটা দাঃ ডবঃ জহার সরেস সিখনৗত সৗগৗয় মাপানাও
এনেজ সেরেঞ কুদুম কৗহিনী পেরেজ সান্তাড়ি অলঃ পড়হন
সাঁওতা খন সারাবেড়া সাহারে সিঁডৗং সিয়ৗজৗরি আভরন
বির বুরু দারে নৗড়ী জিব জিয়ৗলী ধরম ধেয়ানান করম
ধৗরতি দুলৗড়, মৗনমী দুলৗড়, সানাম জিওয়ী দুলৗড় খৗতির
ধৗরতিরে সরেস আকান সান্তাড় জৗতি সানাম অৗদিবাসী খন।।