ᱫᱤᱥᱟ.ᱭᱟᱢ ᱛᱟᱭᱚᱢᱛᱮ

– ᱦᱩᱞᱜᱟ.ᱨᱤᱭᱟ.

ᱟᱢ ᱟᱢᱜᱮ ᱡᱚᱫᱤᱢ
ᱛᱟᱯᱟᱢ ᱜᱚᱯᱚᱡ
ᱡᱟ.ᱛ ᱵᱷᱟ.ᱭ ᱵᱚᱭᱦᱟ ᱵᱚᱭᱦᱟᱜᱮ
ᱛᱚᱵᱮ ᱪᱤᱠᱟ.ᱢ ᱪᱮᱦᱮᱜᱟ
ᱵᱚᱭᱦᱟ ᱢᱟᱭᱟᱢᱮᱢ ᱞᱤᱸᱜᱤ ᱦᱚᱪᱚᱭ
ᱪᱷᱟᱹᱛᱤᱠ ᱠᱚᱣᱟᱜ ᱥᱤᱞᱜᱟ.ᱣ ᱛᱮ !!

ᱨᱟᱡᱽᱟᱹᱨᱤ ᱨᱮᱱᱟᱜ ᱥᱤᱸᱭᱟ.ᱡᱟᱹᱨᱤ
ᱪᱟᱜᱼᱮᱢ ᱪᱟᱞᱟᱣ ᱟᱢ ᱫᱚ
ᱥᱟᱨᱡᱚᱢ ᱢᱟᱛᱠᱚᱢ ᱫᱟᱨᱮ
ᱵᱟᱹᱜᱤ ᱠᱟᱛᱮ ᱫᱟ.ᱲ ᱮᱫᱟᱢ
ᱢᱚᱫᱤᱨ ᱢᱚᱥᱡᱤᱫᱽ
ᱵᱮᱱᱟᱣ ᱵᱳᱝᱜᱟᱜᱮᱢ
ᱚᱢᱵᱟᱜ ᱛᱟᱵᱮᱨ ᱠᱟᱛᱮᱢ
ᱡᱤᱨᱚᱜ ᱡᱚᱨᱚᱜ ᱠᱟᱱ
ᱢᱮᱱᱠᱷᱟᱱ ᱟᱢ ᱨᱮᱱ
ᱦᱩᱨᱩᱫ ᱠᱩᱱᱴᱩᱫ
ᱵᱳᱝᱜᱟ ᱵᱩᱨᱩ ᱫᱚᱢ
ᱵᱟᱹᱜᱤᱭᱟᱫ ᱠᱟᱱ
ᱛᱚᱵᱮ ᱟᱢ ᱫᱚ
ᱪᱷᱟᱹᱛᱤᱠ ᱛᱩᱞᱩᱡ ᱜᱮ !

ᱡᱟᱦᱮᱨ ᱡᱟᱱᱛᱷᱟᱲ ᱨᱮᱫᱚ
ᱟᱢᱟᱜ ᱦᱚᱨᱚᱜ ᱵᱟᱸᱫᱮ
ᱛᱮᱹᱠᱮᱹ ᱥᱚᱵᱚᱫ ᱠᱟᱛᱮ ᱫᱚ
ᱦᱤᱨᱠᱟ. ᱜᱮᱢ ᱵᱩᱡᱽ
ᱛᱚᱵᱮ ᱟᱢ ᱫᱚ
ᱵᱚᱭᱦᱟ ᱛᱩᱞᱩᱡ ᱥᱟ.ᱜᱟ.ᱭ ᱫᱚ
ᱵᱤᱱᱛᱤᱨᱤᱡ ᱜᱮ ᱛᱟᱦᱮᱱ᱿

ᱢᱟᱱᱟᱣ ᱢᱟᱯᱟᱱᱟᱣ ᱦᱚᱸ
ᱦᱤᱲᱤᱧ ᱩᱛᱟ.ᱨ ᱟᱠᱟᱫ
ᱟᱢ ᱨᱮᱱ ᱡᱤᱣᱤᱫ
ᱟᱭᱳ ᱵᱟᱵᱟᱜᱮ
ᱵᱟᱢ ᱥᱤᱵᱤᱞ ᱟᱹᱠᱤᱱ
ᱛᱚᱵᱮ ᱫᱤᱥᱚᱢ ᱨᱮᱱ
ᱦᱚᱲ ᱫᱚ ᱪᱤᱠᱟ.ᱢ ᱫᱩᱞᱟ.ᱲ ᱠᱚ !!

ᱨᱟᱡᱽᱟᱹᱨᱤ ᱨᱮᱱᱟᱜ ᱰᱟ.ᱨ ᱨᱮ
ᱛᱟᱦᱮᱸᱠᱟᱛᱮ
ᱥᱚᱢᱟᱡᱽᱥᱟᱹᱲᱤᱢᱮᱢ
ᱡᱚᱢ ᱫᱷᱟᱫᱽᱨᱟᱭᱮᱫ
ᱚᱠᱛᱚ ᱥᱮᱴᱮᱨ ᱞᱮᱱ ᱠᱷᱟᱱ
ᱟᱢ ᱫᱚᱢ ᱟᱫᱚᱜ ᱜᱮ
ᱩᱱ ᱫᱚ ᱚᱠᱚᱭ ᱜᱮ
ᱟᱢ ᱫᱚ ᱵᱟᱠᱚ ᱯᱩᱪᱷᱟ.ᱣ ᱢᱮ
ᱫᱤᱥᱟ.ᱭᱟᱢ ᱡᱟᱱᱟᱢ ᱫᱤᱥᱚᱢ ᱨᱮᱱᱟᱜ
ᱫᱟᱨᱮ ᱱᱟᱹᱲᱤ ᱡᱚ ᱵᱟᱦᱟ
ᱟᱢ ᱫᱚᱠᱚ ᱧᱮᱞ ᱴᱷᱟ.ᱣᱠᱟ. ᱢᱮ !!
ᱩᱱ ᱫᱚ ᱡᱟᱸᱦᱟ ᱵᱤᱨ ᱵᱷᱤᱛᱤᱨ
ᱜᱷᱚᱸᱜᱚᱨ ᱨᱮᱢ ᱛᱟᱦᱸᱮᱱ ᱨᱮᱦᱚᱸ
ᱟᱸ ᱩᱸ ᱛᱮᱜᱮ
ᱢᱩᱪᱟ.ᱫ ᱡᱤᱭᱚᱱ ᱫᱚ
ᱯᱟᱨᱚᱢ ᱤᱫᱤᱭᱟ
ᱩᱱ ᱫᱚᱢ ᱫᱤᱥᱟ.ᱭᱟ
ᱩᱱ ᱫᱚ ᱫᱟᱜ ᱯᱟᱨᱚᱢ ᱠᱟᱛᱮ
ᱫᱟᱜ ᱫᱚ ᱚᱦᱚᱜᱮᱢ ᱛᱚᱞ
ᱥᱟᱢᱴᱟᱣ ᱠᱮ !!

———-@@#———–
Baidyanath Hansda
Mamurda
Dt-13/08/2020