ᱟᱢ ᱦᱤᱨᱞᱟ.

– ᱜᱩᱨᱟ.ᱭ ᱠᱤᱥᱠᱩ

ᱪᱟᱸᱫᱳ ᱫᱟᱭᱟᱜ ᱢᱮ ᱟᱞᱮ ᱪᱮᱛᱟᱱ
ᱡᱳᱞᱳᱜ ᱤᱯᱤᱞ ᱞᱮᱠᱟ ᱡᱤᱭᱚᱱ᱾
ᱟᱢ ᱨᱮ ᱟᱞᱮᱭᱟᱜ ᱱᱮᱦᱚᱨ ᱡᱚᱦᱟᱨ
ᱪᱟᱸᱫᱳ ᱩᱫᱩᱜ ᱟᱞᱮᱢᱮ ᱱᱟᱯᱟᱭ ᱰᱟᱦᱟᱨ
ᱪᱟᱸᱫᱳ ᱫᱚᱦᱚ ᱠᱟᱞᱮᱢᱮ ᱦᱮᱸᱥᱮᱡᱽ ᱥᱮᱠᱮᱡᱽ
ᱱᱟᱯᱟᱭ ᱱᱤᱨᱟ.ᱭ ᱠᱩᱱᱟ.ᱢᱤ ᱪᱟᱸᱫᱳ ᱛᱮᱨᱫᱮᱡᱽ᱾

ᱳ ᱦᱟᱭ! ᱪᱟᱫᱳ ᱟᱢ ᱫᱚ ᱟᱰᱤᱢ ᱱᱟᱯᱟᱭᱟ
ᱚᱱᱛᱚᱨ ᱛᱟᱞᱟ ᱯᱮᱨᱮᱡᱽ ᱯᱩᱠᱨᱤ
ᱟᱢ ᱫᱚ ᱟᱢᱟᱜ ᱫᱟᱲᱮᱛᱮᱢ ᱪᱮᱛᱟᱣ ᱞᱮᱭᱟ
ᱦᱚᱭ ᱡᱤᱣᱤ ᱦᱟᱥᱟ ᱦᱚᱲᱢᱚ; ᱟᱰᱤᱜᱟᱱ ᱢᱟᱭᱟ
ᱟᱢᱟᱜ ᱟᱲᱟᱝ ᱛᱮ ᱟᱞᱮ ᱞᱮ ᱨᱚᱲᱟ ᱴᱷᱟᱢ ᱴᱷᱟᱢ
ᱟᱢ ᱫᱚ ᱥᱮᱛᱟᱜ ᱥᱤᱸᱜᱟ.ᱲ ᱞᱮ ᱡᱚᱦᱟᱨ ᱟᱢ᱾

ᱱᱚᱣᱟ ᱫᱷᱩᱲᱤ ᱫᱷᱟᱨᱛᱤᱨᱮ ᱟᱢ ᱜᱮ ᱡᱟ.ᱡᱤᱞᱢᱟᱱ
ᱦᱚᱲᱢᱚ ᱡᱤᱣᱤ ᱛᱟᱞᱟ ᱢᱮᱱᱟᱢ ᱜᱮ ᱪᱷᱟᱱᱼᱼ
ᱟᱢᱟᱜ ᱛᱤᱛᱮ ᱜᱚᱲᱟᱣ ᱛᱚᱯᱚᱞ ᱥᱟ.ᱜᱟ.ᱭ
ᱟᱭᱳᱼᱵᱟᱵᱟ, ᱵᱚᱭᱦᱟᱼᱵᱩᱦᱤᱱᱼᱼ ᱵᱷᱟ.ᱭᱨᱮ ᱵᱷᱟ.ᱭ
ᱪᱟᱸᱫᱳ, ᱟᱞᱮ ᱫᱚ ᱫᱚᱨᱭᱟᱨᱮᱱ ᱫᱩᱞ – ᱡᱟᱹᱛᱤᱢᱤᱞᱟᱹ
ᱟᱛᱳ ᱫᱤᱥᱚᱢ, ᱟᱭᱳ ᱢᱟ.ᱱ ᱟᱢ ᱦᱤᱨᱞᱟ.᱾᱾