আবোওয়াঃ সেরওয়া

বৈদ্যনাথ হাঁসদা ‌‌

হানে সেদায় তিশ খন চ
হাপড়াম কোওয়াঃ হেচ আগু আকান
সেরওয়া ক লিঁগিন দাঃ লেকা
লিঁগিঃ আকা গে মেনাঃ আ ।
অকয় বাডায় নোওয়া রে
সাঁড়েশ মেনাঃ——- ?
সাঁড়েশ রেনাঃ অৱসং মেনাঃ
হতেতেগে চদুনিয়ৌ রেন
মানোওয়া আবোওয়াঃ হর তেক তাড়াম—————
সেরওয়া আরি দ
গড-জহার
আরি তিনৗঃ নিফুট
লটা দাঃ সামাং কাতে
আবোরেন গগ এরা বাংখান
হপন এরা তাক
তিনৗঃ মৗন তুলুচ-
বাহেরে খন ক হিজুঃকান–
পেড়া দ লটা দাঃ তালাতে
আতাং দারামেয়া
লটা দাঃ এম কাতে গড
বাং জটেৎ কাতে গে
সাগিঞ খন মৗন এম
মারাং কদ গড গে
হুডিঞ কদ জহার গে
বালায়া খান———
চেতান লাতার আঁড়গো রাকাব
হাকুকিন গৗরি ক লেকাগে খাবুই ।।
আবোওয়াঃ সেরওয়া রে যে
সাঁড়েশ মেনাঃ নিতঃ
ধারতি রেন সানাম
মানোওয়া গেক মেন এৎ
আর হঁ যুদি আবোওয়াঃ
কামি বন তচবিচ
কাতে বন ঞেলা—-
ঞেল ঞাম আবন–
হাপড়াম ক যাঁহা ক
আগু আকাৎ তাবনা
ঝতম রেগে সাঁড়েশ রেনাঃ
অৱসং মেনাঃ বা চেতা
অনাতে মুচৗৎ রেঞ
মেনা -যাঁহা নিত রেন
বয়হা মিশিক এটাঃ কোওয়াঃ
সেরওয়া বন গহঢ় আগুয়েৎ দ
অনা রেদ পালেন মেনাঃ বিষ
কাটিচ বন দিশৗয় মা
আবোওয়াঃ সেরওয়া দ
আবোদয় বাঞ্চাও ইদি বনা ।।