Monthly Archives: August 2020

মারে গাতে ᱢᱟᱨᱮ ᱜᱟᱛᱮ

– কালিরাম মুরমু

ᱠᱩᱠᱢᱩ ᱡᱚᱠᱷᱮᱡ ᱛᱟᱦᱮᱸᱠᱟᱱᱟ ᱟᱢᱟᱜ
ᱤᱧ ᱥᱟᱶᱛᱮ ᱫᱩᱯᱩᱞᱟᱹᱲ ᱨᱮᱭᱟᱜ᱾
ᱟᱥᱟ ᱡᱚᱠᱷᱮᱡ ᱛᱟᱦᱮᱸᱠᱟᱱᱟ ᱟᱢᱟᱜ
ᱤᱧ ᱥᱟᱶᱛᱮ ᱡᱤᱭᱚᱱ ᱠᱷᱟᱸᱰᱟᱣ ᱨᱮᱭᱟᱜ᱾
ᱮᱱᱦᱚᱸ, ᱪᱮᱫᱟᱜ ᱵᱟᱝᱼᱮᱢ ᱥᱚᱫᱚᱨ ᱞᱮᱫᱼᱟ?
ᱪᱮᱫᱟᱜ ᱠᱷᱟᱹᱞᱤ ᱠᱷᱟᱹᱞᱤ ᱜᱮ ᱳᱠᱳ ᱪᱳᱠᱳᱛᱮᱢ
ᱠᱩᱥᱤ ᱞᱮᱱᱟ, ᱟᱨ ᱠᱩᱠᱢᱩᱢ ᱧᱮᱞᱼᱟᱱ ᱛᱟᱦᱮᱸᱠᱟᱱᱟ?

ᱥᱮ ᱯᱟᱞᱮᱱ, ᱩᱱ ᱵᱮᱲᱟ ᱫᱚ ᱛᱟᱦᱮᱸᱠᱟᱱᱟᱢ
ᱤᱧ ᱞᱮᱠᱟᱱ ᱟᱨᱦᱚᱸ ᱡᱟᱦᱟᱸᱭ ᱥᱟᱶᱛᱮ᱾
ᱢᱮᱱᱠᱷᱟᱱ ᱛᱮᱦᱮᱧ ᱛᱷᱚ ᱤᱧ ᱵᱟᱰᱟᱭ ᱧᱟᱢᱠᱮᱫᱼᱟ
ᱟᱢ ᱛᱮᱦᱮᱧ ᱵᱟᱝᱼᱮᱢ ᱨᱚᱯᱚᱲ ᱠᱟᱱᱟ ᱤᱧ ᱥᱟᱶᱛᱮ
ᱧᱟᱯᱟᱢ ᱦᱳᱭᱞᱮᱱ ᱨᱮ ᱡᱟᱸᱦᱟ ᱛᱤᱥ ᱠᱳᱨᱮ᱾

ᱮᱱᱛᱮᱠᱷᱟᱱ ᱪᱤᱠᱟᱹᱭᱟᱢ,
ᱱᱤᱛᱳᱜ ᱢᱟ ᱟᱭᱢᱟ ᱚᱠᱛᱚ ᱯᱟᱨᱚᱢᱮᱱᱟ
ᱤᱧᱫᱩᱧ ᱜᱚᱲᱟᱣᱟᱱᱟ ᱜᱷᱟᱨᱚᱧᱡᱽ
ᱵᱟᱹᱧ ᱮᱢ ᱫᱟᱲᱮᱭᱟᱫ ᱢᱮᱭᱟ ᱟᱢ; ᱤᱧᱴᱷᱮᱱ ᱥᱚᱡᱽ᱾
ᱚᱱᱟ ᱠᱷᱟᱹᱛᱤᱨ ᱛᱮᱦᱮᱧ ᱥᱟᱦᱟᱜ ᱠᱟᱱᱟᱢ
ᱥᱟᱫᱷ ᱨᱮᱭᱟᱜ ᱜᱟᱛᱮ ᱥᱟᱹᱜᱟᱹᱭ ᱛᱚᱯᱟᱜ ᱠᱟᱛᱮᱫ
ᱚᱱᱟ ᱠᱷᱟᱹᱛᱤᱨ ᱛᱮᱦᱮᱧ ᱨᱟᱹᱜᱤᱜ ᱠᱟᱱᱟᱢ
ᱡᱟᱹᱱᱤᱡ ᱟᱹᱲᱤᱥ ᱵᱮᱡᱟᱨ ᱦᱚᱸ; ᱤᱧ ᱧᱮᱞᱛᱮ᱾

ᱢᱮᱱᱠᱷᱟᱱ ᱪᱤᱠᱟᱹᱭᱟᱢ,
ᱚᱱᱮ ᱠᱳ ᱞᱟᱹᱭᱟᱠᱟᱫ
ᱢᱚᱞᱚᱝ ᱫᱚ ᱢᱟᱻᱱᱟ ᱪᱟᱱᱫᱳ ᱜᱮᱪᱚᱭ ᱚᱞ
ᱚᱠᱚᱭ ᱥᱟᱶᱛᱮ ᱚᱠᱟᱨᱮ,
ᱧᱟᱯᱟᱢ ᱦᱳᱭᱳᱜ ᱛᱤᱱᱠᱳᱨᱮ
ᱡᱤᱣᱤ ᱨᱤᱱᱤᱡ ᱡᱩᱨᱤᱭᱟᱛᱮ ᱜᱷᱟᱨᱚᱧᱡᱽ ᱫᱚ
ᱢᱟᱻᱱᱟ ᱪᱟᱱᱫᱳ ᱜᱮᱪᱚᱭ ᱚᱞ᱿