ᱟᱥᱟᱲ ᱥᱟᱱ ᱵᱳᱝᱜᱟ

ᱪᱟᱸᱫᱽᱨᱟᱭ ᱠᱤᱥᱠᱩ

ᱟᱥᱟᱲ ᱥᱟᱱ ᱵᱳᱝᱜᱟ ᱡᱷᱤᱯᱤᱨ ᱫᱟᱜ-ᱮ ᱡᱟ.ᱲᱤᱭᱮᱫ
ᱵᱟ.ᱫᱽ ᱵᱟ.ᱭᱦᱟ.ᱲ ᱜᱟᱰᱟ ᱢᱩᱰᱩ ᱫᱟᱜ ᱛᱮ ᱞᱟᱞᱮ ᱪᱟᱯᱮᱭᱮᱱ |
ᱵᱟᱵᱟᱭ ᱵᱮᱦᱱᱟᱣ ᱠᱟᱱᱟ ᱴᱚᱨᱚᱰᱟᱝ ᱡᱟ.ᱡᱤᱫ
ᱟᱭᱚᱭ ᱥᱟᱯᱲᱟᱵ ᱠᱟᱱᱟ ᱜᱚᱝᱜᱷᱟ ᱦᱟᱞᱟᱝ ᱞᱟ.ᱜᱤᱫ
ᱫᱟᱫᱟᱭ ᱜᱟ.ᱪᱷᱟ.ᱣ ᱮᱫᱟ ᱠᱚᱨᱚᱱᱡᱽ ᱠᱮᱫᱟᱨ ᱨᱮ
ᱦᱤᱞᱤ ᱦᱮᱲᱦᱮᱫ ᱮᱫᱟᱭ ᱦᱮᱸᱥᱮᱞ ᱵᱟ.ᱭᱦᱟ.ᱲ ᱨᱮ |
ᱟᱧᱡᱚᱢ ᱦᱤᱡᱩᱜ ᱠᱟᱱᱟ ᱜᱩᱯᱤ ᱠᱚᱲᱟᱣᱟᱜ ᱛᱤᱨᱭᱟ.ᱣ ᱟᱲᱟᱝ
ᱜᱚᱴᱟ ᱵᱟ.ᱫᱽ ᱵᱟ.ᱭᱦᱟ.ᱲ ᱛᱟᱠᱮᱨᱚᱜ ᱠᱟᱱ ᱨᱟᱲᱟᱝ ᱨᱟᱲᱟᱝ
ᱚᱠᱚᱭ ᱡᱩᱨᱤ ᱠᱩᱲᱤ ᱪᱚ ᱯᱟᱞᱮ ᱨᱚᱜ ᱦᱚᱭ ᱠᱟᱱᱟ ᱠᱤᱱ ᱥᱚᱠᱲᱟ ᱨᱮ
ᱫᱚᱢᱮᱞ ᱫᱚᱢᱮᱞ ᱠᱤᱱ ᱥᱮᱨᱮᱧ ᱡᱚᱝᱠᱟᱱ ᱱᱤᱪᱳᱞ ᱵᱮᱲᱟ ᱨᱮ |
ᱪᱟ.ᱥᱤ ᱢᱚᱱᱮ ᱡᱤᱣᱤ ᱥᱮᱨᱢᱟ ᱫᱟᱜ ᱜᱮ ᱡᱤᱭᱟ.ᱲᱟᱭ
ᱥᱟᱶᱟᱭ ᱜᱮᱭᱟᱭ ᱢᱮᱱᱛᱮ ᱪᱟᱱᱫᱳ ᱵᱳᱝᱜᱟ ᱠᱳ ᱵᱷᱮᱭᱟᱬᱟᱭ |