মৗনমি বির রে

মৗনমি বির রে

গুরৗই কিস্কু

মৗনমি বির রে মৗনমিয় তাড়াম
হিসৗব বৗনু: হর হরা
মৗন মহৎ বৗনিজ বেপারী,
অভাব দেয়া কাতে গড়াও নাগাম
জাঁহারে গঁসায় সঁবৎ সারা
অঁডে দ ইঞা: তাড়াম আধুড়ি।

গঁসায় সামাং কাঁড়া মৗনমি
পেরেজ্‌ পুরাওরে সাঁড়েস কাঁড়া
গিতিল দিশম রে লল বৗলি গুছি,
সসন: সাগাড় বুদ্‌ অৗকিল আম: কৗমি
দুলৗড় দরয়ারে পায়রা পেড়া
সাকাম দালব্‌ কুঁবৗ কুঁড়য়া লিলিবিছি।

চাঁদো, হাহাড়াঃ আমা: মাহা মৗহিমান
হয় রিমিল লেকা পালট রূপতাম
গাতে তপল মায়া ছাডাও অলংলিখণ
কৗরধৗনিতে সাজাও কেটেজ্‌ মন
মৗনমিয়া: উয়হৗর ভাবনা সানাম
দুলৗড় আড়াং বুডু: লুটি থারথারা: কান।