অকা হরতে তিহিঞ সান্তাড়ি সেচেৎ ??<br> সঞ্জয় সরেন ।

অকা হরতে তিহিঞ সান্তাড়ি সেচেৎ ??
সঞ্জয় সরেন ।

” মিৎ টাং জাতিয়াঃ সেচেৎ যদি নাপায় বাং হুয়ুঃ আ, তবেখান অনা জাতি দ তিস হঁ বহঃ বায় তুল কেয়া। আর সেচেৎ রেনাঃ শাঁস যদি নাপায় বাং তাঁহেনা, তবেখান অডে সেচেৎ থ সেরে সেরে গে তাঁহেনা, বাং জুল রাকাব আ। আর তিহিঞ সান্তাড়ি সেচেৎ রেনাঃ দশাহঁ ঠিক অনকাগে।
আব সান্তাড় হপনাঃ হানে সত্তোর দশক খন সান্তাড়ি তে অলঃ পাড়হাঃ অলচিকি লিপিতে, সান্তাড়ি পারসি সংবিধান রে সেলেদঃ মা, ধরম বাখরাতে নিত দ। অনা লেকাতে ডাহার জাঁগে, অফিস ঘেরাও, কোলকাতারে মিছিল মিটিং তিনাঃ হুয় আকানা আর হুয়ুঃ কান গেয়া। মেনখান পারসি দ সেলেৎ আকানা। আর সান্তাড়ি তে অল পাড়হাঐ হঁ এতহব আকানা। ধরম বাখরাদ চেৎ হুয়ুঃ অক্ত গেয় লাই আ। আর মনে হুয় লেনা যেখন সরকার বিঞ্জপ্তিয় উডুক আকাদা, তাহলে সেচেৎ বাখরাতে মিৎ লাহান্তি হুয়ুঃ আ। তবেখান যা মেরিট লিস্ট ঞেল না, তাতে দারায় দিন নোওয়া দ মহর মেটাঃ আ।
শিক্ষা রেদ জাতি দ বাং যোগ‍্যতা গে আসল দ। তবেখান সেচেৎ রে মারাং যোগ‍্যতা দ পৌইলো পারসি বাডায়। অনা তায়ম এমান তেমান। তবেখান যদি যাহা মেরিট লিস্ট লেকাতে নিয়োগ হুয়ুঃ আ, তবেখান দারায় দিন কিছু গিদরা চাকরি ক ঞামা, আকোওয়াঃ বেকার দশা খন ক দুগঃ আ। মেনখান সান্তাড়ি মিডিয়ামদ মুচাদঃ কানা। আর নোওয়া বাখরাতে নিত সান্তাড় সমাজ রেন বুদ্ধিজীবি ক থির থার। তাহলে আবদ খালি মিছিল, মিটিং অবরোধ টুকুরে কাপি হুরলা, আর শ্লোগান এম।
আসলে নোওয়া মিডিয়াম দ আব সান্তাড় হপন ঠেন দ শুধু আবেগ লেকা তেবন ঞেল এদা, সেচেৎ রেনাঃ লাহান্তি লেকা তেদ বাং । আর কর্মসংস্থান লেকাতে। জাতিয়াঃ পারসি, সে জাতিয়াঃ লাহান্তি লেকাতেদ বাং । অনাতে থিরথার সানাম ক। ধরম রেদ বন চাগমাগাও এনা, অনাহঁ লাকতি। মেনখান শিক্ষা ?? যাহারে দ জাতিয়াঃ ভিত, অডেদ থিরথার। আর নডেগে আবোওয়াঃ বেলাহান্তি।
আসলে রেঁগেচ অরেচ, কামি জম হড় রেন গিদরা বন চাচয়েৎ কোওয়া নোওয়া মিডিয়াম সেৎ। আর শিক্ষিত হড়, সান্তাড়ি বিষয় রেন মাচেৎ কদ বাং বন চাচয়েৎ কোওয়া। আবদ আচুক আর ভাষন এম ক। অনাতে নোওয়াদ নংকা। বিনিড রেনাঃ কুকলি সাকাম হুয় না অলচিকি,বাংলা লিপি কতে। অকয় ক করাও দা, আবোরেন সান্তাড় কগে। পরিকাঠামো রেনাঃ দিশা অকয় ক এম দা , আবোরন সান্তাড় বয়হাগে। আর নতে বন মেন দা মিৎ চিকি মিৎ পারসি, হরে উদুগ অলচিকি। আজব ভাবনা তাবন গংকে। আসলে আপনার গিদরা ত বায় পাড়হাঃ কানা মিডিয়াম তে, আদ উনাঃ ভাবিত রেনাঃ দ চেৎ ?? আপনার রেন গিদরা ত সান্তাড়ি তেগে বায় রড় কেয়া, আদ চিকি বাখরা মেন রেনাঃ দ চেৎ ??
আব অকা সেৎ বন চালাঃ কানা। তিহিঞ এস আই অফিস, ডি আই অফিস রে নোওয়া বাখরাতে আবোরেন বুদ্ধিজীবি ক আন্দোলন সে গালমারাও লাগিৎ বাক মেন দা। আদ নিয়োগ পরে মেন কাতে চেৎ, টক জীবন বাড়ে বাহা। আর দারায় দিন ঝত খন ক্ষতিঃ আ, সান্তাড়ি মিডিয়াম তেক পাড়হাঃ কান পাঠুওয়া আর সান্তাড়ি বিষয় আতেক পাড়হাঃ কান পাঠুওয়া কোওয়াঃ। আর অলচিকি তে পুঁথি পতব হ আদৌ হুয়ুঃ আসে বাং সন্দেহ। তিহিঞ ত ফেসবুক ওয়াল রে ঝতহড় নোওয়া বাখরাতে বাংলাতে, সান্তাড়িতে বন অল পেরেচ কেয়া। মেনখান বাং লেকাগে। খালি ধরম নিয়েগে বন রাপাচাঃ কানা। আমাঃ জাতি রেনাঃ ডাঁডা যে রাপুদঃ কানা আদৌ বন ভাবিত এদাসে বাং অকয় বাডায়। আর সান্তাড়ি মিডিয়াম এন হিলোঃ সাপাসাপি সেচেৎ রেনাঃ রূপ এ ঞামা, যে হিলোঃ সান্তাড়ি বিষয় রেন মাচেৎ ক, চাকরী জীবি ক সে সানাম গাতাক রেন গিদরা সান্তাড়ি মিডিয়াম রেক পাড়হাও কোওয়া। মেনখান গংকে , আমিঞ কুলিয়েৎ মেয়া আমিচ গিদরা কিম ভর্তি আকাদেয়া মিডিয়াম রে ?? তেলাম ঞামা বাং !! সাবাস। নংকাগে চালাও হচন। যাক যাহা লেকাগে চালাঃ কিছু সান্তাড়, দিকু কড়া কুড়ি চাকরি ক ঞামা , নিয়া চাকরি রেনাঃ আকাল দশারে। নিয়া হঁ মিৎ মারাং নাপায় সাঁদেশ।