অনড়হে “নাসাও”

=: নাসাও := ধর্মেন্দ্র বেসরা

ও হায় মৗনমি ! আমাঃ সাঁওতা, আমাঃ গাঁওতা
আম দ অকারে ?
নিত হঁ মেনাম জৗপিৎ ?
কয়গ মেসে বির বুরু দাড়ে নৗড়ি ।
বতরগে জগঁর সেঁগেল
দঁগয় ধৗও ধৗও কুয়ৗতে মৗলছৗ মরা
দারে সাকাম আরছা আতার
জিনতি পিপড়ি ধূড়সৗঁও তে ল তরচ্ ।
মেঁৎ দাঃ জরঃ হিডির হিডির আপনারকো ঞেলতে
মিৎধাও হঁ বাং-এম উইহৗর লেদা
এহো মানওয়া আম দ উনৗঃ নিরমায়া
সিরজন নাসাও কাতেঃ তাঁহেনাম সুকতে ?
মিৎ কাথাঞ মেনা
“সুধরৗঃ মে মানওয়া সুধরৗঃ মে “
নিত হঁ মেনাঃআ অক্ত
বাংখান , অনা দিন হঁ দারায় কানা
যাহা তে আমাঃ উনৗঃ গরব
তরচ্ রে লোসো পোঁডঃ আমাঃ অৗয়দৗর সানাম ।।